Elımızde KSRO tūsyndaǧy qyzyl pasporttardy Qazaqstan qūjatyna auystyru nauqany jürıp jatyr. Būl turaly "Adyrna" tılşısı Baq.kz - ke sılteme jasap habarlaidy.
QR Işkı ıster ministrlıgı Köşı-qon qyzmetı töraǧasynyŋ orynbasary Sabyrjan Seiıtjanov brifing barysynda būrynǧy KSRO pasporttarymen tūratyn adamdardyŋ märtebesın retteu turaly aityp berdı.
Onyŋ aituynşa, elımızde eskı KSRO tūsyndaǧy qūjatpen jürgender qatary älı de köp. Byltyr 1700-dei adam eskı pasportyn ötkızıp, jaŋasyn alsa, biyl segız aida 800-den astam azamat qūjat auystyrǧan.
Bızdıŋ boljam boiynşa älı de 6 myŋdai adam eskı qūjatpen jür. Onyŋ 30 paiyzdaiy şetelden köşıp kelgender. Būl adamdar türlı jaǧdaiǧa bailanysty eskı qūjatpen jürıp qalǧan. Bırınıŋ türlı sebepterı bolsa, taǧy bırı qūqyqtyq sauatsyzdyǧynan elemegen. Oǧan qosa mūndai qūjattardy qaita tekseru jūmystarynyŋ ūzaq uaqytqa sozylatyny da äser etken, - deidı ol.Sonymen qatar, ol sovet kezındegı qyzyl pasportpen jürgenderdıŋ köpşılıgı 40 jastan asyp ketkender ekenın jäne taǧy bır bölıgı şetelden kelgen azamattar ekenın aityp öttı.
Mäselen bır azamat Reseiden körşı Özbekstanǧa köşuı mümkın, keiın bızdıŋ elge kelıp tūrady. Osyndai azamattardyŋ qūjatyn auystyru üşın aldymen Reseige, keiın Özbekstanǧa sūrau jıberemız. Būl bıraz uaqytty alady, - deidı Sabyrjan Seiıtjanov.Jiyn barysynda ol qazır osyndai eskı pasporttardy jappai auystyru nauqany jürıp jatqanyn jetkızdı.
Eger sovet kezındegı qyzyl pasportpen jürgender bolsa Köşı-qon qyzmetıne jügınu kerek. Sol jerde aryzyn jazyp qaldyrady. Osydan keiın mektep, institutqa osyndai adam tırkeude bolǧany turaly aqparat alamyz. Sol rastalyp jatsa tiıstı qūjatyn beremız. Oǧan qosa elımızde uaqyty ötıp ketken qūjatpen jürgenderge aiyppūl salynady, ony bır aptada tölese 50 paiyz jeŋıldıgı bar, - dedı ol.
"Adyrna" ūlttyq portaly
