AQŞ Ädılet ministrlıgı men Bas prokuraturasy monopoliiaǧa qarsy zaŋnamany būzu turaly ıstı tergeu aiasynda Google-ge qarsy sot ısın daiyndap jatqandyǧy belgılı boldy. Eger kompaniia kınälı dep tanylsa, onda olar özderınıŋ Chrome brauzerın jäne paidaly jarnama biznesınıŋ bır bölıgın satuǧa mındetteluı mümkın.
Būl ıs boiynşa tyŋdaular aldaǧy aptalarda bastalady dep kütılude. Monopoliiaǧa qarsy tergeudıŋ nätijesı soŋǧy onjyldyqtaǧy alǧaşqy amerikandyq kompaniianyŋ sot şeşımı boiynşa bölınuıne yqpal boluy mümkın. Politico portaly habarlauynşa, Google-dıŋ 162,3 milliard dollarǧa baǧalanatyn sandyq jarnama naryǧyn baqylaudy azaitu nūsqalary älı talqylanuda jäne osy mäsele boiynşa naqty şeşımder älı qabyldanǧan joq. Qolda bar mälımetterge säikes, Ädılet ministrlıgı men prokurorlar jarnamalyq tehnologiialar boiynşa sarapşylarǧa, Google bäsekelesterıne, Google-dıŋ jarnama naryǧyndaǧy pozisiiasyn qalai älsıretuge bolatyndyǧy turaly ūsynystar alu üşın jügıngen.
Aqparat Politico portalynan alyndy
