Şymkent qalasynda koronavirus jūqtyrǧan nauqastardy qabyldaityn 13 diagnostikalyq ortalyq ūiymdastyryldy.
Būl jönınde bügın qalalyq densaulyq saqtau basqarmasy basşysynyŋ mındetın atqaruşysy Baqytjan Pozilov aqparattyq-kommunikasiialyq ortalyqta ötken brifingte baiandady.
- Diagnostikalyq ortalyqtarda 17 KT jäne 30 rentgen apparaty bar. Sonymen bırge, 6 PTR zerthanasy bar, onyŋ 2-uı jaŋadan aşyldy. Olar täulıgıne 2 500 test qabyldaidy, - dedı.
Sonymen qatar, medisina mekemelerın materialdyq-tehnikalyq jabdyqtau boiynşa qosymşa 282 İVL alynyp, qalada İVL sany 612 bırlıkke jetkenın aitty. Jaŋa 3 ottegı stansiiasy men 9 sūiyq ottegı rezervuary qondyrylǧan.
Odan özge, qyrküiek aiynda medisina ūiymdarynyŋ özara äreket algoritmı pysyqtalyp, nauqastardy kategoriialarǧa böludı üilestıru üşın 3 ret oqu-jattyǧu ötkızıldı. Osy uaqyt ışınde 10 164 medisina mamany koronavirus infeksiiasymen küres boiynşa oqytyldy.
Al, emhanalar janynan qūrylǧan 67 mobildı top 29 415 pasientke medisinalyq qyzmet körsettı. Nauqastarǧa jedel järdem körsetu maqsatynda jaŋa call-center ıske qosyldy. Şaqyrudy qabyldau liniiasy 9-dan 28-ge ösıp, operatorlar sany üş esege artty. Bügıngı taŋda qoŋyrau qabyldau quattylyǧy täulıgıne 3 500-ge jettı.
Şymkent qalasy äkımınıŋ baspasöz qyzmetı
