Elımızde karantinge qaramastan, toi toilau toqtamai tūr. Bırı «barmasaq tuystarymyz renjidı» dep aqtalsa, endı bırı «ındettı jeŋdık» degen pıkırde.
Qoǧamdyq baqylau toby müşelerınıŋ aituynşa, köpşılık jeŋıldetılgen karantindı qate tüsınıp, jappai toi toilauǧa kırısıp ketken.
Toi ötkızudıŋ tyŋ täsılı tabyldy
«Qazırgı taŋda 500 adamdy jinap, dürkıretıp toi jasap jatqandar bar. Eŋ qyzyǧy, meiramhana basşylary men toi ielerı jiyn ötkızudıŋ tyŋ täsılın tauypty. Keibıreuler ǧimarat esıgın ışten qūlyptap toi jasaudy şyǧarǧan. Jūrt tıptı küdık tuǧyzbas üşın meiramhana aldyna kölıkterın de qoimaidy»,- deidı olar.
Mamandar adamdardyŋ köp jinaluynyŋ saldarynan infeksiia qaita örşuı mümkın degen pıkırde.
Osy taqyryp aiasynda «Adyrna» ūlttyq portaly äleumettık jelı qoldanuşylaryna «Toiǧa baryp jürsız be?» degen saual tastaǧan bolatyn. Dese de, keibırı pıkırdı bermesten būryn aty-jönderın özgertudı sūrady.
Mädeniet qyzmetkerı Erdäulet MAKULOV toi ötkızgenı üşın salynatyn aiyppūl mölşerı az ekenın aitty.
«300-400 adamǧa toi ötkızuge jaǧdaiy jetken adam 83 myŋ teŋge aiyppūldy tölei almaidy dep oilaisyzdar ma? Toi ötkızgenderge qataŋ jaza qoldanǧanda ǧana elımızde toi toilau tyiylady»,-dedı ol.Zamanbek NABİEV:(aty-jönı özgertıldı-red.)
– Ükımettıŋ naqty toi ötkızuge qadalyp qalǧany dūrys emes. Qazır kafeler, saiabaqtar aşyldy. Qanşama adam köşede qydyryp jür. Tıptı avtobustarymyz adamǧa lyq toly ǧoi. Nege bız osy dünielerge män bermeimız? Qyzyq, adamdar tek toida jinala ma? Şekteu qoisa, barlyǧyna şekteu qoiu kerek. Öz basym, toi ötkızudı qoldaimyn. Ol - qazaqtyŋ qazynasy.Sisenbai MALİMBAEV:
–Aqtöbede ala jazdai barlyq meiramhanalarda toi bolyp jatyr.Maral BAQTİIаRQYZY:
–Alla saqtasyn, toiǧa apta saiyn baryp jürmız. Keşe 120 adamdyq toiǧa baryp keldım.Aida ESIM:
–Karantin kezınde toiǧa barmappyn. Alla bauyrlarymyzdy aman, bauyrymyzdy bütın qylsyn.Talşyn JALMİŞEVA:
–Toilar ärı ketse 50 adammen üi ışınde ötıp jatyr.Samat Azamatūly: (aty-jönı özgertıldı-red.)
–Toi Şymkent qalasynyŋ ışınde de, syrtynda da ötude. Künı keşe Saryaǧaş audanynda bolǧan 200 adamdyq toiǧa baryp qaittyq. Onyŋ nesın jasyramyz, toi barlyq aimaqta bolyp jatyr ǧoi. Qazırgı karantinnıŋ özı tüsınıksız bolyp kettı. Arqany keŋge salyp jıberdık pe dep te oilaimyn.Ökınışke qarai, qauıptı virustan älı de qūtylmadyq. Indettı jeŋuge belsene atsalysyp, sanitarlyq talaptardy saqtap jüreiık, oqyrman! Foto aşyq derekközden alyndy.
Diana ASAN,
«Adyrna» ūlttyq portaly
