Jerimiz ortaq bolsa, tilimiz de ortaq bolý kerek!

2853
Adyrna.kz Telegram

Qazaqstan búgingi kúnge deıin nebir tar jol, taıǵaq keshýlerden ótip, áleýmettik-ekonomıkalyq, saıası jańarý, rýhanı jańǵyrý jolynda senimdi alǵa jyljyp keledi. Jerimizge tabany tıgen ózge ult ókilderin halqymyzdyń erekshe jylylyqpen qarsy alǵany tarıhtan belgili. Elimiz ózge etnıkalyq toptardyń ulttyq tilderi men ádet-ǵuryptaryn, salt-dástúrlerin damytýǵa da qoldaý kórsetýin toqtatqan emes. Osylaısha shashaý shyǵarmaı, dostyq pen birlikti tý etip, ortaq múddege jumyldyryp otyr.

Alaıda memlekettik tildiń mártebesi áli de óz deńgeıine kelgen joq. Qazaq tili – memleketimizdiń taban tireıtin tuǵyrly temirqazyǵy. «Ulttyń saqtalýyna da, joǵalýyna da sebep bolatyn nárseniń eń qýattysy – til», − deıdi ulttyń rýhanı kósemi Ahmet Baıtursynuly.

2019 jylǵy 31 jeltoqsanda Úkimettiń qaýlysymen bekitilgen «Qazaqstan Respýblıkasyndaǵy til saıasatyn iske asyrýdyń 2020 − 2025 jyldarǵa arnalǵan memlekettik baǵdarlamasynda» bylaı delingen: «Baǵdarlamada Memleket basshysy Q.K. Toqaevtyń 2019 jylǵy 2 qyrkúıektegi «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynda belgilengen mindetterdi júzege asyrý kózdeledi. Memleket basshysy naqty sharalar negizinde elimizdegi etnıkalyq toptardyń tili men mádenıetin damytýǵa jaǵdaı jasaý jáne qazaq tiliniń ultaralyq qatynas tili retindegi rólin kúsheıtý qajettigin atap ótti. Osyǵan baılanysty Baǵdarlamada Qazaqstan aýmaǵyndaǵy tereń tarıhı, mádenı jáne psıhologııalyq bazasy bar memlekettik tildiń etnosaralyq qatynas tili retinde tolyqqandy qoldanylýy qajetti sharalar kózdelgen». Bul – memlekettik tildiń pozıııasyn nyǵaıtý úshin jasalǵan mańyzdy qadamdardyń biri.

Memleket qurýshy ult tóńiregine toptasyp, bir tilde sóıleý arqyly ǵana birtutas halyq bola alatynymyz anyq. Jerimiz ortaq bolsa, tilimiz de ortaq bolý kerek!

Qýanysh Jumabekuly
PhD doktory,
Ahmet Baıtursynuly atyndaǵy
Til bilimi ınstıtýtynyń
ǵylymı qyzmetkeri

Pikirler