Prezidentımız Q.Toqaev biylǧy jyldy «Volonter jyly» dep ataǧan bolatyn. Osyǧan orai, Şymkent qalasynyŋ äkımı Mūrat Äitenov pandemiiamen küreste belsendı atsalysyp jürgen erıktıler men qoǧamdyq qozǧalystardyŋ ökılderımen kezdestı.
Kezdesuge qalada öz belsendılıgımen közge tüsıp jürgen ūiym jetekşılerı qatysty. Atap aitqanda, «ASAA» jastar qoǧamdyq bırlestıgınıŋ töraiymy Danara Saranova, «Izgılıkte jarysaiyq» qaiyrymdylyq qorynyŋ prezidentı Mūhtar Taşimov, «Bızben bırge» volonterlık qozǧalysynyŋ jetekşısı Jasmin Äşımova, «Volontery Şymkenta» volonterlık qozǧalysynyŋ jetekşısı Guzal Äuelbekova. Volonterler qala basşysymen kezdesude özektı mäselelerdı talqylap, öz ūsynystaryn jetkızdı. Öz kezegınde Mūrat Äitenov erıktılerge qala tūrǧyndaryna körsetken qoldauy men kömegı üşın alǧysyn bıldırdı.
«Özderıŋız bıletındei, elımızde engızılgen tötenşe jaǧdaiǧa bailanysty qalamyzdyŋ erıktılerı jūqpaly viruspen küreske belsendı qatysuda. Osy mümkındıktı paidalana otyryp, öz atymnan jäne qala tūrǧyndarynyŋ atynan barlyq erıktılerge şyn jürekten alǧysymdy bıldırgım keledı. Densaulyqtaryŋyzǧa töngen qauıpke qaramai, mūqtaj otbasylarǧa azyq-tülık tasymaldaumen, jekemenşık medisinalyq mekemelerge ottegı ballondaryn qūiuǧa kömektesıp, qarttarǧa qajettı därı-därmekterdı jetkızude barynşa kömek körsettıŋızder. Bügıngı taŋda ärbır azamat qauıpsızdık erejelerı men sanitarlyq-epidemiialogiialyq talaptardy qataŋ saqtap, koronavirustyŋ taraluyn toqtatuǧa aitarlyqtai üles qosa alatyndyǧyn atap ötkım keledı. Ökınışke orai, pandemiia – būl körınbeitın jau. Sondyqtan men, sızderdıŋ ärqaisyŋyzdy özıŋızdı jäne jaqyndaryŋyzdy ındetten qorǧauǧa şaqyramyn», - dedı äkım.
«ASAA» jastar qoǧamdyq bırlestıgınıŋ töraiymy Danara Saranova soŋǧy aptada kömek körsetuge niet bıldırgen belsendıler sany köbeigenın jäne qazır olar volonterlık jūmysqa kırıspes būryn qajettı oqudan ötıp jatqanyn mälımdedı. Aituynşa, pandemiiamen küreste bırlesken jäne nätijelı jūmys jasau üşın erıktılerden qūralǧan türlı qozǧalystardy bırıktırudı ūsyndy. Sonymen qatar, ol ärtürlı baǧyttar boiynşa odan ärı jūmys ısteu üşın basqa elderdıŋ erıktılerımen täjıribe almasu jäne oqytu qajettılıgı turaly aityp öttı.
Sondai-aq, Almatydan kelgen respublikalyq ştabtyŋ monitoringtık tobynyŋ qoǧamdyq üilestıruşısı Saida Taukeleva jergılıktı atqaruşy organdar men volonterlar arasynda özara ıs-qimyl jasau algoritmın äzırleu boiynşa ūsynys bıldırdı.
Al "Nur Otan" partiiasy Şymkent qalalyq «Jas Otan» jastar qanatynyŋ töraǧasy Arman Älıbekovtyŋ aituynşa, pandemiia bastalǧaly berı volonterler 3500 otbasyǧa azyq tülık jetkızın, million betperde taratqan. Iаǧni, bırqatar volonterlık toptar jūmysty dūrys üilestırıp jatyr eken. Alaida älı de bolsa jūmysty şiratatyn jaǧdailar bar. Resmi tırkelgenımen dūrys jūmys ıstemeitın toptar da kezdesetının baiandady.
Kezdesude erıktıler megapoliste jastarǧa arnalǧan oryndar sanyn köbeitudı, sondai-aq volonterlık ūiymdar bırıgetın ortalyq qūrudy ūsyndy. Mūrat Düisenbekūly bolsa, volonterlık qozǧalys jetekşılerınıŋ ūsynystaryn tyŋdap, būl baǧyttaǧy mäseleler öz şeşımın tabatynyn atap öttı.
- Jastar bas qosatyn oryndardy aşu jūmystary jürgızılude. Karantin aiaqtalǧannan keiın resmi türde paidalanuǧa beremız. Aldaǧy uaqytta būrynǧy Fosforşylar mädeniet saraiyn qalpyna keltırsek dep otyrmyz. Būl rette bırqatar josparlar bar. Jastarǧa sportpen şūǧyldanatyn üiırmeler de köptep kerek, – dedı qala äkımı.
Aita ketu qajet, erıktılermen kezektı kezdesu soŋynda qala äkımı volonterlerdı pandemiiamen küresuge jäne tuyndaǧan mäselelerdı bırlesıp şeşuge şaqyrdy.
Şymkent qalasy äkımınıŋ baspasöz qyzmetı
