Bılım jäne ǧylym ministrlıgıne qarasty "ADAL BILIM" jobalyq keŋsesınıŋ basşysy Talǧat Närıkbaev "bılım aǧymyn", jastardyŋ şetelge jylystauyn toqtatudyŋ negızgı jolymen bölıstı, dep habarlaidy "Adyrna" ūlttyq portaly.
Soŋǧy jyldary elımızden 100 myŋnan astam tülek şetelge ketken. Olardyŋ arasynda bolaşaqta Qazaqstannyŋ damuyna ülken üles qosatyn nebır talantty jastar, ǧylymi qyzmetkerler, örşıl, daryndy jaŋa buyn ökılderı bar. Sonymen, nelıkten jastar şetelge aǧyluda?
"Negızgı sebep — şetelde ömır süru sapasy men bılım beru deŋgeiı bızden aitarlyqtai joǧary. Onyŋ üstıne şetelde bılım alu jyl saiyn qol jetımdı bola tüstı. Mäselen, Germaniiada joǧary bılım alu tegın, basqa elderdıŋ joǧary oqu oryndary da özge el azamattaryna türlı stipendiialyq baǧdarlamalar ūsynady. Qazaqstanda da sapaly bılım alyp, jūmys täjıribesınen ötuge mümkındık bar, ärine. Ony halyqaralyq kompaniialarda tabysty jūmys ıstep jürgen studentterımız men ben tülekterımızden bılemız. Mysaly, Qazaqstannyŋ keibır myqty jeke menşık universitetter memlekettık joǧary oqu oryndary siiaqty arzan granttardyŋ sanyna ümıt artpaidy. Ümıt artudyŋ özı tiımsız ekenın tüsındı. Mūndai universitetter şeteldık bılımı bar mamandardy tarta otyryp, kadrlar qūramyn küşeituge tyrysady. Mäselen KAZGUU Universitetı Aqyldy jastardyŋ şetelge ketuın toqtatu maqsatynda älemnıŋ üzdık oqu oryndarymen bailanys ornatyp, halyqaralyq bılım beru salasynda üzdık dep tanylǧan otandyq akademiialyq kadrlardy jinap otyr. Qazır kezde KAZGUU-de şeteldık bılımı bar 100-den astam oqytuşy sabaq beredı. Olar Fransiia, Ūlybritaniia,Germaniia, Şveisariia, AQŞ, İspaniia, QHR, Singapur, Kipr, Egipet, Ündıstan, Avstraliia, Bolgariia, Ukraina, Resei, Türkiia elderınde bılım alǧan. Oqytuşylardyŋ jartysyna juyǧy Bolaşaq baǧdarlamasynyŋ tülekterı. Garvard, Kembridj, Oksfordty bıtırgen būl azamattar erkın jäne kreativtı oilanady, joǧary akademiialyq talaptarǧa säikes keledı, qazır olar öz kezegınde studentterdıŋ oi-örısıne jaqsy äser etude. Studentterge şeteldık bılımınen basqa, öz salasyndaǧy eŋ myqty mamandar därıs berıp jatqanyn tüsınu maŋyzdy. Käsıbi salada mūǧalımnıŋ joǧary därejesın obektivtı türde baǧalaityn, bedeldı sertifikattau standarttary bolady. KAZGIýU oqytuşylarynyŋ basym köpşılıgınde TKT, CELTA, DELTA, CFA, ACCA, FRM, SPHRi, CIPD, IPMA, GARP, IABFM syndy halyqaralyq käsıbi sertifikattary bar. Eger bız Qazaqstannyŋ bılım deŋgeiın batystyq därejege köterıp, professorlyq qūramdy nyǧaitsaq, sapaly bılım jüiesın qūrsaq ziiatkerlık köşı-qon aǧynyn toqtatamyz. Kerısınşe, şeteldık talapkerlerdı Qazaqstanǧa tartuǧa mümkındık jasaimyz", - dedı Talǧat Närıkbaev.
