Memleket basşysy Qasym-Jomart Kemelūly Toqaevtyŋ tapsyrmasyna säikes Şymkent qalasyndaǧy mektepterde jaŋa oqu jylyna daiyndyq jūmystary qarqyndy jürgızılıp jatyr. Osyǧan säikes, Şymkent qalasynyŋ äkımı Mūrat Äitenov №24 S.Erubaev atyndaǧy mektep-liseiıne baryp, 2020-2021 oqu jylyna daiyndyq jūmystarynyŋ barysyn pysyqtady. Oqu synyptaryn aralap, BAQ ökılderımen brifing ötkızdı.
Qalada jaŋa oqu jyly 742 bılım beru mekemelerımen 320 myŋǧa juyq bılım aluşylarmen bastalǧaly otyr.
Qala äkımınıŋ aituynşa, biyl 13 mektep (6 jaŋa, 7 qosymşa) jäne 2 öner mektebınıŋ qūrylysy jürude. Jyl soŋyna deiın 5 100 oryndyq 8 mekteptıŋ (4 jaŋa, 4 qosymşa)jäne 300 oryndyq 2 öner mektebınıŋ qūrylysy paidalanuǧa berıledı. Al, 5 mekteptıŋ qūrylysy (2 jaŋa, 3 qosymşa) 2021 jyly aiaqtalady.
Nätijesınde, apatty mektepter sany 2-den 1-ge, üş auysymdy mektepter sany 19-dan 14-ke azaiady.
«Biyl 1-synypqa 24 myŋnan astam bala keledı dep josparlanuda. Bılım mekemelerınıŋ jylytu jüielerın jöndeu, qysymdau jūmystary tolyq aiaqtaldy. Jeke qazandyqpen jylytylatyn 25 mekemege 4 793 tonna qatty jäne 190 tonna sūiyq otyn tasymaldanuda. Qazırgı taŋda aǧymdaǧy jöndeu jūmystary aiaqtalyp, 15 mekemege kürdelı jöndeu jürgızılude. 17 mektepke sport alaŋdary, 36 mektepke ışkı äjethanalar ornatyluda. Sondai-aq, soŋǧy ülgıdegı beine baqylau kameralary men 30 mektepke turniketter ornatu üşın memlekettık satyp alu jūmystary jürgızılıp jatyr» - dedı Mūrat Düisenbekūly.
Sonymen qatar, jaŋa oqu jylynda satyp alynatyn 11-synyp oqulyqtary men qalǧan synyptar üşın qosymşa oqulyqtardyŋ 60%-y tasymaldandy. Jūmystar tolyǧymen 25 tamyzǧa deiın aiaqtalatyn bolady.
Şymkent qalasy äkımınıŋ baspasöz qyzmetı
