Búgin aqparattyq-kommýnıkaııalyq ortalyǵynda Shymkent qalasy ákiminiń orynbasary M.Isahov jáne Shymkent qalalyq Memlekettik eńbek ınspekııasy basqarmasynyń basshysy B.Qaljanovtyń qatysýymen atalǵan basqarmanyń 7 aıda atqarǵan jumystary jóninde brıfıng ótti.
– «Shymkent qalasynyń Kásipodaqtar ortalyǵy» Aýmaqtyq kásipodaqtar birlestigi Shymkent qalasynyń Kásipkerler palatasymen birlese «Shaǵyn kásipkerlik sýbektileriniń eńbek quqyqtaryn buzǵandyǵy boıynsha túsken aryz-shaǵymdarmen jumys júrgizý algorıtmi» Shymkent qalasy ákimimen bekitilip, jumys júrgizilýde. Iaǵnı, búginde algorıtm aıasynda shıelenisken máselelerdi sheshýdemiz. Bul maqsatta úsh jaqty komıssııa quryldy. Olar – Shymkent qalasynyń aýdan ákimdikteri, «Kásipodaqtar ortalyǵy» Aýmaqtyq kásipodaqtar birlestigi jáne Shymkent qalasyndaǵy QR Jumys berýshiler (kásipkerler) konfederaııasy, – dedi Maqsut Pernebaıuly.
Al Baýyrjan Ahmetáliuly atqarylǵan jumystar boıynsha sóz qozǵady.
– Osy jyldyń 7 aıynda azamattardan 650 aryz-shaǵym túsip, bárine jaýap berildi. Onyń 104-ne tekserý júrgizilip, 147-i zań buzýshylyq anyqtaldy. Aıta keteıin, aryz-shaǵymnyń kóbisi jekemenshik balabaqshalarǵa baılanysty. Bul rette jalaqy qaryzy jaıly jetkizsek, ótken jyly 7 kásiporyn 73 jumyskerdiń aldynda 13,8 mln teńge jalaqy qaryzy bolǵan. Búginde atqarylǵan jumystar nátıjesinde bul kórsetkish 3,8 mln teńgege tústi, – dedi B.Qaljanov.
Basqarma basshysy odan bólek, óndiristik oryndarda jazataıym jaǵdaılardyń azaıǵanyn aıtty. Sondaı-aq elektrondyq shart boıynsha sóz qozǵap, qalada jyl basynan beri 923 kásiporyn 37425 eńbek sharttaryn júıege engizgenin jetkizdi.
Shymkent aqparattyq-kommýnıkaııalyq ortalyǵy
Foto – S.Qosaı
