Būl turaly bügın aqparattyq-kommunikasiialyq ortalyǧynda ötken baspasöz brifingınde «Shymkent» äleumettık käsıpkerlık korporasiiasy aksionerlık qoǧamy basqarmasynyŋ töraǧasy Bauyrjan Kankin mälımdedı.
– İnvestorlarǧa jer telımın ūsynudy jeŋıldetu maqsatynda «Shymkent» ÄKK tarapynan jaŋa mehanizm äzırlendı. Atalǧan mehanizm negızınde 223,9 mlrd teŋgelık 30 investisiialyq jobany ıske asyru boiynşa kelısımge qol jetkızdık. Būl jobalar bılım, densaulyq saqtau, tūrǧyn üi qūrylysy (development) jäne qyzmet körsetu salalarynda. Osy oraida aita keteiın, front ofis aşylǧaly üş aidyŋ ışınde 5000 käsıpkerge qyzmet körsettık, – dedı B.Kankin.
Spikerdıŋ sözıne süiensek, 2020 jyldyŋ basynan berı «Oŋtüstık» AEA-ǧa jalpy qūny 39,172 mlrd teŋgenı qūraityn 2 257 jūmys ornynyŋ qūrylumen 9 joba tartylǧan. Al «Oŋtüstık», «Tassai» industrialdy aimaqtaryna, «Shymkent» agroönerkäsıptık aimaǧyna jäne kölıktık-logistikalyq ortalyqtyŋ aumaǧyna jalpy qūny 37,5 mlrd teŋgenı qūraityn bırqatar investisiialyq jobalar tartylǧan. «Osy oraida «Oŋtüstık» jäne «Tassai», sondai-aq qalanyŋ investisiialyq tartymdylyǧyn arttyru maqsatynda «Jūldyz» industriialdy aimaǧyn qūru josparlanuda. Būl maqsatta kölemı 306 ga qūraityn jer telımı anyqtaldy. Qazırgı uaqytta qajettı infraqūrylymmen qamtamasyz etu üşın jobalyq-smetalyq qūjattama äzırlenude», – dedı Bauyrjan Toqbolatūly.
Basqarma töraǧasynyŋ aituynşa, «Şymkent» ÄKK «1000 sauda orny» jobasyn ıske asyruda. Ol käsıpkerlerge sauda jürgızu jäne qyzmet körsetu üşın qolaily şarttar men jer uchaskelerın berudı qarastyrady. Al qūrylys salasyna toqtalsaq, 7-20-25 baǧdarlamasy boiynşa jalpy audany 63 258,32 ş.m qūraityn 24 tūrǧyn üidıŋ qūrylysy aiaqtalǧan. Sonymen qatar bügınde JAO baǧdarlamasy boiynşa 26 üidıŋ qūrylysy jalǧasuda. Onyŋ ışınde 21 üidı osy jyldyŋ soŋyna deiın, qalǧan 5 üidı 2021 jyly tapsyru josparlanǧan.
Şymkent aqparattyq-kommunikasiialyq ortalyǧy
Foto – Bereke Seiıtjappar
