Qaster men Mūrager bosqyn märtebesın aldy

Qytaida tuǧan qandastarymyz Qaster Mūsahanūly men Mūrager Älımūly  bosqyn märtebesın aldy. Būl turaly belgılı advokat Läzzat Ahatova feisbuk paraqşasynda jariialady, dep habarlaidy "Adyrna" tılşısı.  "Süiınşı!!! Qaster men Mūrager bosqyndyq märtebesın alypty! Arada tüsınıksız jaǧdailar bolsa da, pendeşılıkke salynatyn kez emes, ekı jıgıt üşın ŞYN JÜREGIMMEN QUANYŞTYMYN! QASTER, MŪRAGER, quanyş qūtty bolsyn! Sender üşın quanyştymyn! Täuelsız Qazaqstannyŋ AZAMATY bolularyŋa tılektespın! Osy uaqytqa deiıngı qiyn sätterıŋde, bostandyqqa şyqqan sätterıŋde bırge bolsam da, aqyrǧy quanyşty bırge toilaityn kündı jazbapty. Ol maŋyzdy emes. Maŋyzdysy- o bastaǧy maqsat oryndaldy! Endı Qazaqstanǧa ökpelerıŋ joq şyǧar) Barlyq qiyndyq artta qalyp, bosqyndyqty da alatyn künımız jaqyn dep, qanşa sendırsem de,jeŋıske jarty qadam qalǧanda, basqa advokattan araşa sūraǧandaryŋ men üşın tüsınıksız bolǧany jasyryn emes. Mümkın, oǧan senderdıŋ kınälaryŋ joq şyǧar. Mümkın, bıreulerdıŋ saiasi oiyny bolǧan şyǧar..Älbette solai.. Alaida bärı aiaqtalǧanda kömek sūraǧan Azanov ärıptesım nege ıstı taǧy da soŋyna jetkızbedı?..Mülde basqa ökıl qatysypty komissiiaǧa..”Endı tıptı qorǧauşynyŋ da qajetı joq, komissiiaǧa özderıŋ qatysa berseŋder bolady, karantin aiaqtalǧan soŋ, bosqyndyqy da alasyŋdar” - degen bolatynmyn. Ol künge de jettıŋder. Senımsızdık tanytyp edıŋder, endı bazbıreuler siiaqty saiasi oiyn oinamaǧanymdy tüsıngen bolarsyŋdar.. Jä, ökpe-renış aitatyn uaqyt emes, şynymen jüregım jaryla, quanyp otyrmyn! Esti sala şydamai, post jazyp jatyrmyn. P.S. Nūrgülge (Mūragerdıŋ äpkesı) habarlasyp, bır-bırımızdı qūttyqtap, astanalyqtar özımız märe-säre quanyp jatyrmyz. “Qiyn sätterde jandarynda bız boldyq qoi, ony ūmytpaityn şyǧar, ekeuı. Astanaǧa kelgen soŋ, toilaimyz ǧoi, äpke”-dep jatyr Nūrgül de quanyşy qoinyna syimai “Toilaudy qoia berşı, maqsatymyz oryndalǧanyn aitsaişy. Qorǧaityn jerde qorǧadyq, endı qastarynda kım jürgenı maŋyzdy emes, bar qiyndyq artta qaldy”-dep jatyrmyn. Ekı ūlyŋ atamekende qaldy, QAZAQ ELIM!!!,"- dep süiınşı sūrady. Eske sala ketsek, Qaster Mūsahanūly men Mūrager Älımūlyna  "memlekettık şekarany qasaqana zaŋsyz kesıp öttı" degen aiyp taǧylyp, sot ükımımen qamauǧa alynǧan bolatyn. Jyl basynda Şyǧys Qazaqstan oblysy Zaisan audandyq soty Şyŋjaŋnan Qazaqstanǧa ötken (qaşqan)  ekı etnikalyq qazaqty bır jylǧa bas bostandyǧynan aiyru turaly şeşım şyǧarǧan edı. Advokad Läzzat Ahatova qos qandasymyzdy qamaudan bosatyp aldy. Osy oqiǧadan soŋ olar advokat Bauyrjan Azanovtan kömek sūrap, ol osy ıstı qolǧa alǧan.