Qyrǵyzstan prezıdentiniń mindetin atqarýshy Sadyr Japarov saılaýǵa túspek

958

Qyrǵyzstan prezıdentiniń mindetin atqarýshy Sadyr Japarov eger zańnamaǵa ózgeris engizilse, prezıdenttik saılaýǵa qatysýǵa daıyn ekenin málimdedi, - dep habarlaıdy «Adyrna» ulttyq portaly RIA Novostıge silteme jasap.

Qazirgi zańnamaǵa sáıkes prezıdent mindetin atqarýshy prezıdenttikke kandıdat bola almaıdy.

Sadyr Japarov «Rossııa 24» arnasyna bergen suhbatynda: «Qazir parlament prezıdenttik jáne parlamenttik saılaý týraly zańnamaǵa túzetýler daıyndap jatyr. Eger zańdaǵy osy ózgeristerdiń nátıjesinde saılaýǵa qatysýǵa ruqsat berilse, men qatysamyn», - degen.

Japarovtyń aıtýynsha, áli naqty sheshim qabyldanbaǵandyqtan, bul týraly kesip aıtý múmkin emes.

Esterińizge sala ketsek, Qyrǵyzstanda 5 qazanda 4 qazan kúni ótken parlament saılaýynyń nátıjelerimen kelispeýden jappaı narazylyqtar bastaldy. Narazylyq bildirýshiler oppozıııalyq partııa parlamentke ótpegendikten, qaýipsizdik kúshterimen qarsylasyp, prezıdent ákimshiligi ornalasqan parlament ǵımaratyn basyp aldy. Qaqtyǵystan 1,2 myńnan astam adam jaraqat alyp, bireýi qaza tapqan. Al Qyrǵyzstan premer-mınıstri Kýbatbek Boronov otstavkaǵa ketti. Sonymen qatar 15 qazanda Sooronbaı Jeenbekov te prezıdent qyzmetin bosatqan-dy.

Aıta keteıik, Qyrǵyzstanda parlament saılaýy osy jyldyń 20 jeltoqsanynda, al prezıdent saılaýy 2021 jyldyń 17 qańtarynda ótýi múmkin.

 

Foto ashyq derekkózden alyndy 

«Adyrna» ulttyq portaly

 

Pikirler
Redakııa tańdaýy