Elımızde sottalǧan jandar elektrondy dükender arqyly meiramhana tamaqtaryna tapsyrys bere alady, dep habarlaidy «Adyrna» ūlttyq portaly QR IIM Qylmystyq-atqaru jüiesı komitetınıŋ baspasöz qyzmetıne sılteme jasap.
QAJ komitetınıŋ töraǧasy Janat Eşmaǧambetov IIM alaŋynda ötken onlain brifingte jobanyŋ üş öŋırde jüzege asyrylyp jatqanyn habarlady.
«2019 jyly bız QAJ mekemelerınde elektrondyq dükenderdı engızu boiynşa pilottyq jobany ıske qostyq. Joba üş öŋırde jüzege asyryluda. Bolaşaqta bız būl täjıribenı elımızdıŋ barlyq koloniialary boiynşa engızudı josparlap otyrmyz. Būl bızdıŋ jüiemızdı reformalaudyŋ asa maŋyzdy baǧyty jäne sottalǧandardyŋ äleumettık beiımdeluı üşın asa maŋyzdy mänge ie. Olar koloniiada tūryp, özderın qoǧamnyŋ bır bölşegı retınde sezıne alady», - dep atap öttı ol.Aldaǧy uaqytta elektrondy dükenderde tauarlardyŋ 400-den astam atauy ūsynylatyn bolady. Olardyŋ qatarynda azyq-tülık, susyndar, tūrmystyq himiia, keŋse tauarlary, kiım-keşek bar. Türmedegılerdı baǧyp-qaǧu üşın jyl saiyn qanşa aqşa jūmsalady? 2018 jyly türmedegı bır adamdy asyrau üşın biudjetten jylyna 877 myŋ teŋge jūmsalǧan. tengrinews.kz saity osy jyldyŋ qyrküiek aiynda är sottalǧan adamǧa jylyna 1,1 million teŋge bölınetının habarlaǧan bolatyn. Alaida keşe ötken brifing barysynda būl mälımet joqqa şyǧaryldy. Komitet keltırgen derekter boiynşa,elımızde 2021 jyldan bastap qamaudaǧy bır adamǧa porsiia mäzırınıŋ täulıktık normasy 1050 teŋgenı qūraityn bolady. Sondai-aq, ministrlıktıŋ tapsyrmasy boiynşa, keler jyly abaqtydaǧy tamaq mäzırı 33 tarmaqtan tūratyn önımge deiın köbeitılmek. Bügınde türmedegılerdıŋ jazasyn öteu jaǧdaiyn örkeniettı elderdegıdei jaqsarta tüsuı myqtap qolǧa alynǧan. Dese de, sottaluşylardyŋ tek 40 paiyzy ǧana jūmys ısteitın körenedı. Iаǧni, qalǧan 60 paiyz adamdy asyrau Ükımet esebınen jüzege asyryluda.
Diana ASAN, «Adyrna» ūlttyq portaly
