Şymkent qalasyndaǧy Qūrsai şaǧyn audanynda jaŋa bılım oşaǧynyŋ qūrylysy jürude. Mektep 0,60 gektar aumaqty alyp jatyr. 600 orynǧa laiyqtalǧan bılım ordasyn jeke käsıpker öz esebınen jürgızude. Ūly oişyl Äl-Farabidıŋ 1150 jyldyǧyna orai mektepke ǧūlamanyŋ esımı berılmek.
Şymkent qalasynyŋ äkımı atalǧan jaŋa mekteptıŋ qūrylys barysymen tanysty. «Balalardyŋ qauıpsız ortada bılım aluy – basty mındetımız. Bäsekelestıkke tötep berer ūrpaqty ösırgımız kelse olardyŋ sapaly bılım aluyna qolaily jaǧdai jasalu kerek»- dedı Mūrat Düisenbekūly.
Mektep kelesı jyly paidalanuǧa berıledı. Qala äkımı synyptardy aralap, qūrylystyŋ ärıbır bölıgıne jıtı män berdı. Sonymen qatar, oqu bölmelerınıŋ zamanaui tehnikalarmen qamtyluyna da basa nazar audaru kerektıgın aitty.
Şymkent qalasy äkımınıŋ baspasöz qyzmetı
