Qoldanystaǧy zaŋnamaǧa säikes jūmystan bosatylǧan qyzmetkerler mındettı äleumettık saqtandyru jüiesıne qatysu ötılıne jäne soŋǧy 24 aidaǧy tabysyna bailanysty 1 aidan 6 aiǧa deiın jūmysynan airyluy boiynşa äleumettık tölemder alady. Tölem joǧalǧan kırıstıŋ 40%-yna deiıngı mölşerde MÄSQ qarajaty esebınen jüzege asyrylady.
Tölem taǧaiyndau üşın jūmystan bosatylǧan qyzmetkerge:
- Egov.kz portalynda avtorizasiialanu;
- «Jūmysqa ornalastyru jäne jūmyspen qamtu» bölımınde «Jūmys ızdeuşı adamdardy tırkeu» qyzmetın taŋdau;
- Onlain-qyzmetke tapsyrys berıp, barlyq joldardy toltyru jäne oǧan ESQ-men qol qoiyp, ötınımdı jıberu qajet;
- Bır kün ışınde tūrǧylyqty jerıŋızdegı halyqty jūmyspen qamtu ortalyǧy (būdan ärı – HJQO) bos jūmys oryndaryn ūsynady;
- Eger jūmys tabylmasa, 3 jūmys künı ışınde qaşyqtyqtan jūmyssyz märtebesı berıletın bolady (qajet bolǧan jaǧdaida qosymşa aqparat jinau üşın sızge HJQO qyzmetkerı habarlasady);
Jūmyssyz retınde tırkelu turaly mälımetter bolǧan kezde Eŋbekminınıŋ aqparattyq jüiesı proaktivtı formatta MÄSQ-tan tölemdı taǧaiyndau boiynşa qyzmet körsetuge kelısu üşın mobildı telefonǧa SMS-habarlama jıberedı. Kelısken jaǧdaida SMS-habarlamaǧa jauap beru qajet. Tölem avtomatty türde taǧaiyndalady.
Esterıŋızge sala keteiık, MÄSQ qarajaty esebınen jūmysynan aiyrylǧan jaǧdaida tölenetın äleumettık tölem jūmystan şyǧu sebepterıne qaramastan jüzege asyrylady jäne jūmyssyz adam jūmys ızdegen kezeŋde ony qoldauǧa arnalǧan.
"Adyrna" ūlttyq portaly
