"...Orys tılı QR territoriiasynda qoldanylmaidy dep özgertu kerek!"

22.10.2020

3619

https://adyrna.kz/content/uploads/2020/10/ruza-bejsenbajtegi-1.jpg

Qazannyŋ 18 künı Pavlodar qalasynda qazaq tılınıŋ märtebesın köteru maqsatynda ana tılımızdıŋ  janaşyry Ruza BEISENBAITEGINIŊ bastamasymen bır top belsendıler rūqsat etılgen mitingke şyqqan bolatyn. Miting nätijesınde qabyldanǧan Qarardy "Adyrna" ūlttyq portalynyŋ oqyrmandarynyŋ nazaryna ūsynamyz.QR Prezidentı Q.Tokaevqa,
QR Premer-Ministr A.Maminge,
QR Bas prokurory G.Nurdauletovke,
QR Senat töraǧasy M.Aşimbaevqa,
QR Mäjılıs töraǧasy N.Nigmatullinge.
«Nūr Otan» partiiasyna
«Memlekettık qazaq tılınıŋ märtebesın köterıp, är salada qoldanuyn talap etu jäne qazaqtıldı tūtynuşylardyŋ diskriminasiiasyn toqtatu»
Mitingısınde qabyldanǧan Qarar
QR Konstitusiiasynyŋ 7 baby, 2 tarmaǧyn alyp tastau;

Sebebı Ata Zaŋymyzda 7-şı baptyŋ 2-şı tarmaǧynda: «Memlekettık ūiymdarda jäne jergılıktı özın-özı basqaru organdarynda orys tılı resmi tılde qazaq tılımen teŋ qoldanady», dep jazylǧany elımızdegı qalǧan 128 ūlttyŋ tılderın mensınbeu jäne kemsıtu dep baǧalanady.

Naq qazır mümkındık bolmasa, 2 tarmaǧyna, jalǧyz orys tılı QR territoriiasynda qoldanylmaidy dep naqtylaityn özgerıs eŋgızu.
QR Ükımetıne, QR Parlamentıne memlekettık tıl turaly zaŋ qabyldau;
Memlekettık tıldı bılmeitın, audarmaşysyz jūmys atqara almaityn qyzmetkerlerdı memqyzmetke aluǧa tiym salu;
QR Tıl turaly zaŋyndaǧy: «Memlekettık tıldı meŋgeru QR ärbır azamatynyŋ paryzy» degen 4-bapty: «Memlekettık tıldı meŋgeru QR ärbır azamatynyŋ mındetı» dep auystyru;
Memlekettık tapsyrys, satyp alu arqyly qyzmet körsetuşılerdıŋ tenderlerınıŋ «tehspesifikasiiasyna», lisenziia jäne basqa da rūqsatnama qūjattaryna: «Qandai da bolmasyn qyzmet mındettı türde memleketık tılde bırınşı kezekte boluy kerek», degen nūsqau jazyluyn qamtamasyz etu;
Otandyq telearnalarda, ärtürlı jastaǧy balalarǧa arnalǧan sapaly, mazmūndy, kışkentailarǧa arnalǧan qyzyqty qazaqtıldı kontentpen qamtamasyz etu;
Apta saiyn telearnalarda: «Memlekettık tıldı bılu QR territoriiasyndaǧy är azamattynyŋ paryzy», «Orys tıldılerdıŋ orys tılınde qyzmet aluǧa qandai qūqy bolsa, bırınşı kezekte däl sondai qūqyq qazaq tıldılerde de bar», degen baǧytta nasihat jürgızu;
Memlekettık organdar men QR subektılerınıŋ tek orys tılınde qūjat, blankı, aqparat t.t. beruın doǧaru;
Är tıldık diskriminasiia faktılerı boiynşa, konstitusiiaǧa säikes, ÄK boiynşa şara qoldanudy mındetteu. Būl funksiiany Prokuratura men Tıl basqarmalaryna jäne polisiiaǧa beru normasyn qarastyru;
Qazaq tıldılerdıŋ qūqyǧy öreskel būzyluy tiylmaǧandyqtan Memlekettık tıl aliansyn qūrudy ūsynamyz. Onyŋ qataryna BAQ ökılderı, Qoǧamdyq ūiymdar, Tıl komitetı, Memlekettık qyzmet ıster agentıgınıŋ ökılderı kıredı. Osy alians barlyq zaŋ būzuşylyqty jüielı türde zaŋ aiasynda, sot arqyly şeşu mındetın atqarady.
Qarardy tapsyruşy Ruza Beisenbaitegı
"Adyrna" ūlttyq portaly