AQDM aqparatqa qoljetkızu salasyndaǧy uäkılettı organ bolady

Aqparat jäne qoǧamdyq damu ministrı Aida Balaeva Memleket basşysy Joldauynyŋ negızgı erejelerın tüsındıru jönındegı baspasöz konferensiiasynda «Aqparatqa qoljetkızu turaly» Zaŋǧa özgerıster men tolyqtyrular engızu boiynşa jūmys jürgızılıp jatqanyn habarlady. Qūjat 2015 jyldan berı jūmys ıstep keledı jäne azamattardyŋ «Aşyq Ükımet» portaly bazasynda aqparatty erkın aluǧa jäne taratuǧa qūqyq beredı. Portal aiasynda 4 platforma jūmys ısteidı – aşyq derekter, Aşyq biudjetter, Aşyq NQA jäne aşyq dialog. Aida Balaeva bır ǧana «Aşyq dialog» platformasynda bırınşı basşylardyŋ blogtaryna 367 myŋnan astam ötınış berılgenın aitty. «Degenmen de, qoǧam tarapynan portalǧa jüktelgen mälımetterge qatysty oryndy syn-pıkırler de aitylyp jür. Atap aitqanda, keibır aqparattar – oquǧa yŋǧaisyz, ūǧynyqsyz formada ūsynylady, sūraqtarǧa der kezınde jauap berılmeidı», - dedı ministr. Osyǧan bailanysty Prezident Qasym-Jomart Toqaev öz Joldauynda aqparatqa qoljetkızu mäselelerı boiynşa zaŋnamaǧa özgerıster engızu qajettıgın atap öttı. Tüzetuler ekı mındettı şeşudı közdeidı: baqylau men jauapkerşılıktı küşeitu, sondai-aq «Aqparatqa qol jetkızu turaly» Zaŋnyŋ jekelegen normalaryn qoldanu aiasyn keŋeitu. Osylaişa, Aqparat jäne qoǧamdyq damu ministrlıgıne aqparatqa qoljetkızu salasyndaǧy uäkılettı organnyŋ funksiialary berıletın bolady jäne Memleket basşysyna aqparatqa qol jetkızu salasynyŋ jai-küiı turaly jyl saiyn esep tapsyrylyp otyrady. Būdan basqa, aqparat ielenuşılerge käsıpkerlık subektılerı men olardyŋ bırlestıkterın, memlekettık organdardyŋ funksiialaryn jüzege asyratyn özın-özı retteitın jäne ükımettık emes ūiymdardy jatqyzu ūsynylady. Äzırlengen tüzetuler qazırgı uaqytta Parlament Mäjılısınde qaralatyn aqparat mäselelerı jönındegı zaŋ jobasyna engızıldı. Jyl soŋyna deiın zaŋ jobasy Prezidenttıŋ qol qoiuyna engızıluı tiıs.