25 qazan kúni Reseıdiń Saratov oblysynyń Dergachı qalasynda qazaq jáne kúrd dıasporalary ókilderi arasynda qaqtyǵys órshı túsken. Bul jaıynda "Adyrna" ulttyq portaly "SarInform" saıtyna silteme jasap habarlaıdy.
«SarInform»-nyń habarlaýynsha, qaqtyǵys 21 qazan kúni bolǵan. Másele jas qazaq balasyn áskerge attandyrar sátte týǵan. Aqparat kózi aıtyp ótkendeı, «mas kúıdegi» ártúrli ulttar arasynda tóbeles shyǵyp, keıinnen janjalǵa olardyń jaqtaýshylary da qosylǵan. Janjal týǵan kezde Dergachıde turatyn kúrdter «ózderiniń aǵaıyndarynan» kómek suraǵan.
«Eki jaqtan «aqsaqaldar» kelgennen keıin ǵana jınalǵan kúrdter men qazaqtardy tynyshtandyrý múmkin boldy. Atap aıtqanda, qazaq qaýymdastyǵynan qoǵamdastyq jetekshileriniń biri boldy. Oqıǵa ornyna polıııa da keldi.
Kelesi kúni polıııa bóliminde qoǵamdastyq jetekshisi qaqtyǵysty qozdyrýshy kúrdtiń ákesimen kezdesti. Taraptar janjaldy sheshýge kómektesetin bolyp jáne olar bir-birine eshqandaı talap qoımaıtyndaı kelisim jasady», - degen derekkózde.
Aqparatta 25 qazan kúni taǵy da janjaldyń qaıta týǵandyǵy týraly aıtylǵan.
Sondaı-aq: «Búgin basqa aımaqtardan kúrdter Dergachıǵa jergilikti qazaqtarmen kezdesý úshin keldi. Olar bul aımaqta qazaqtar ulttyq arazdyqty qozdyrady, al kúrdterdiń mindeti – bir-birine kómektesý jáne olardy renjitkizbeý ekendigin aıtty», - dep kórsetilgen.
«SarInform» habarlaýynsha, búgin taǵy da ultaralyq shıelenis órshı túsken. Keshke Saratov oblysynyń vıe-gýbernatory Igor Pıvovarov quqyq qorǵaý organdary basshylarymen birge Dergachıge barǵan.
Vıe-gýbernator: «Olar (janjaldasqandar - red.) birdeńe jasaýǵa tyrysqan, biraq polıııa ýaqytynda jumys istedi, biz ketip qaldyq, qazir kezekshi bar – bári tynysh», - dep jaǵdaıdy málimdegen.
RF Ishki ister mınıstrliginiń Saratov oblysy boıynsha Bas basqarmasy: «24 qazanda polıııa qyzmetkerleri Saratov oblysynyń Dergachı aýdanynyń turǵyndary arasyndaǵy janjaldy toqtatty. Jedel áreket etý jáne qabyldanǵan sharalar nátıjesinde qoǵamdyq tártipti buzýǵa jol berilmedi, qaqtyǵysqa qatysýshylar arasynda zardap shekkender bolǵan joq. Qazirgi ýaqytta bul fakti boıynsha tekserý júrip jatyr», - dep habarlaǵan.
Foto ashyq derekkózden alyndy
«Adyrna» ulttyq portaly
