Ükımet basşysy Asqar Mamin äkımdıkter men jauapty ministrlerge bırqatar tapsyrma berdı, dep habarlaidy "Adyrna" tılşısı.
«Biyl daǧdarysqa qarsy qabyldanǧan şaralardy ıske asyru halyqtyŋ jūmyspen qamtyluyn saqtauǧa yqpal ettı. Jūmyspen qamtudyŋ jol kartasy qazaqstandyqtardyŋ köbıne jūmysy men tabysyn saqtauǧa septıgın tigızdı, eleulı äleumettık-ekonomikalyq tiımdılıgın körsettı. Jol kartasynyŋ jobalaryn ıske asyru üşın qajettı tauarlardyŋ, jūmystar men qyzmetterdıŋ şamamen 90%-y otandyq öndıruşılerden satyp alyndy. Jūmyspen qamtudyŋ jol kartasynyŋ şeŋberınde şamamen 6600 äleumettık, kommunaldyq jäne kölıktık infraqūrylym obektısı salynyp, rekonstruksiiadan ötken. Jobalar aiaqtalǧan soŋ, sabaqtas salalarda 100 myŋ jūmys orny qūrylady»,- dedı Asqar Mamin Ükımet otyrysynda.
Premer-ministrdıŋ aituynşa jalpy jūmyspen qamtudy qoldau şaralaryn ıske asyru qarqyny Atyrau, Şyǧys Qazaqstan, Jambyl, Qyzylorda oblystarynda, Nūr-Sūltan jäne Şymkent qalalarynda jaqsy.
Eŋbek ministrlıgıne müddelı memlekettık organdarmen jäne äkımdıktermen bırlesıp, osy jyldyŋ soŋyna deiın 2021 jylǧa arnalǧan Jūmyspen qamtudyŋ jol kartasyn jaŋartu jäne onda tūraqty jūmys oryndaryn qūruǧa basa män beru tapsyryldy. Būl rette jobalardyŋ basym bölıgı aiaqtalǧandyqtan, jūmysynan bosap qalatyn adamdardy jūmyspen qamtu şaralarymen qamtu kerektıgı atap ötıldı.
Ūlttyq ekonomika ministrlıgıne müddelı memlekettık organdarmen jäne äkımdıktermen bırlesıp, osy jyldyŋ soŋyna deiın barlyq memlekettık baǧdarlamalardyŋ jūmys oryndaryn qūru boiynşa indikatorlaryn jaŋartu, tiıstı statistikalyq esepke alu jüiesın engızu, sondai-aq jūmys oryndaryn qūrudyŋ öŋırlık kartalaryn äzırlep, bekıtu tapsyryldy.
"Adyrna" ūlttyq portaly
