Shymkent qalasynda bıyl «Nurly jer» baǵdarlamasy aıasynda 70 kóp qabatty turǵyn úıge kúrdeli jóndeý jumystaryn júrgizý josparlanǵan.
Búginde atalǵan kóp qabatty turǵyn úılerdiń 39-ynda kúrdeli jóndeý jumystary aıaqtaldy. 17 turǵyn úıde jumystar áli de jalǵasýda. Al qalǵan 14 kóp qabatty úı turǵyndardyń óz esebinen júrgizilip qoıǵandyqtan jóndeý jumystarynan bas tartqan.
Sonymen qatar, qala ákimi Murat Áıtenovtiń tapsyrmasyna sáıkes qaladaǵy turǵyn úılerdiń lıftterin aýystyrý boıynsha da jumystar atqarylýda. Atap aıtqanda, jyl sońyna deıin 6 kópqabatty turǵyn úıdiń (Ál-Farabı alańy №1A, Jeltoqsan kóshesi №32, Táýke han dańǵyly, №32, Tereshkova kóshesi, №50A jáne Temirlan tas joly boıynda ornalasqan №1, 1A úı) 12 lıft qondyrǵysy aýystyrylatyn bolady.
Shymkent qalasy ákiminiń baspasóz qyzmeti
