Seisenbı, 27 qazan künı Aqtöbe oblysynyŋ äkımı Oŋdasyn Orazalinnıŋ qatysuymen Aqtöbe qalasynda ūly oişyl, qazaqtyŋ bas aqyny Abai Qūnanbaiūlynyŋ eskertkışı aşyldy.
Atalǧan şaraǧa elımızge tanymal aqyn-jazuşylar, Qazaqstan Jazuşylar Odaǧynyŋ Basqarma töraǧasy Ūlyqbek Esdäulet, aqyn Aqūştap Baqtygereeva, ŞQO Abai audanynyŋ äkımı Jarqynbek Baisabyrov jäne oblys tūrǧyndary men ziialy qauym ökılderı qatysty.
Aişyqty şarada qūttyqtau söz söilegen oblys basşysy O.Orazalin ūly aqynnyŋ halqymyzdyŋ ömırınen alar aişyqty ornyn atap ötıp, qūrmettı qonaqtarǧa alǧysyn bıldırdı.
«Biyl elımızde ūly aqyn Abai Qūnanbaiūlynyŋ tuǧanyna 175 jyl mereitoiyna bailanysty köptegen ıs-şaralar josparlanǧan bolatyn. Alaida, əlemde oryn alyp jatqan epidemiologiialyq ahual elımızge kerı əserın tigızıp josparlanǧan şaralar keiınge şegerıldı. Degenmen, bız ūly aqynǧa arnalǧan türlı şaralardy jaŋa formatta ötkızıp kelemız. Mıne, bügın süiıktı meken Aqtöbemızdıŋ däl ortasynan aişyqty orynnan ūly aqynnyŋ qūrmetıne eskertkış aşylǧaly otyr. Abaidyŋ öleŋderı men qara sözderınde ūlt bolmysy, bıtımı, tūrmysy, tırşılıgı, dünietanymy, ruhy körınıs tauyp keledı. Biylǧy mereitoi elge oi salatyn, taǧylymy mol naqty şaralarmen jalǧasuda. Älemge tanymal bas aqynymyzdyŋ eŋbegın halyq bolyp ūlyqtau memleketımızdıŋ mereiın arttyrady. Ūly oişyldyŋ asyl mūrasyn ardaqtau jäne jan-jaqty därıpteu – barşamyzdyŋ mındetımız. Ol üşın bügıngı buyn Abai mūrasynan när alyp, ruhani kemeldenuı qajet. Būl ürdıs Abai jylynan keiın de jalǧasyn tabatyn bolady» - dedı oblys äkımı.
Eskertkıştıŋ aşylu saltanatynda Qazaqstan Jazuşylar Odaǧynyŋ Basqarma töraǧasy Ū.Esdäulet, aqyn A.Baqtygereeva qūttyqtau söz söilep, QR Mädeniet jäne sport ministrınıŋ keŋesşısı E.Jūrynbaev ministrdıŋ arnaiy qūttyqtau sözın jetkızdı. ŞQO Abai audanynyŋ äkımı J.Baisabyrov ūly aqynǧa qūrmet körsetıp jatqan aqtöbelık aǧaiynǧa öz alǧysyn bıldırdı.
Atap öteiık, eŋselı eskertkış qala tūrǧyndarynyŋ köp jüretın jerı Abai daŋǧyly men Eset batyr köşesınıŋ qiylysyna ornatyldy. Eskertkıştıŋ avtorlary Qazaqstan Respublikasynyŋ Mädeniet qairatkerı, belgılı müsınşı, Qazaqstan suretşıler Odaǧynyŋ müşesı Toqtar Ermekov jäne qalamyzdaǧy Äiteke bi, Jalaŋtös Bahadür, Bökenbai batyr, Äliia syndy tarihi eskertkışterınıŋ avtory Jeŋıs Jūbanqosov. Eskertkış Ekaterinburg qalasynda jasalynǧan. Eskertkıştıŋ jalpy biıktıgı 6,20 metr. Tūǧyry 2,40, müsınnıŋ özı 3,80 metr.
