Almaty qalasynyŋ äkımı Baqytjan Saǧyntaev ömırlık qiyn jaǧdaiǧa tap bolǧan äielderdı äleumettık qoldau ortalyqtarynyŋ özgertetını turaly aitty.
Qala äkımı Baqytjan Saǧyntaev Instagram-daǧy özınıŋ resmi paraqşasynda ötken jyly är audanda «Baqytty otbasy» äleumettık qoldau ortalyqtaryn aşu basty maqsat bolǧanyn eske saldy. Mūnda äielder arasyndaǧy käsıpkerlıktı damytuǧa basa nazar audaryldy. Is jüzınde olar köpbalaly analarǧa arnalǧan ıskerlık belsendılıktıŋ ortalyǧyna ainaluy tiıs boldy.
«Isker Ana baǧdarlamasy boiynşa biznes daǧdylaryna üiretudı bastap, innovasiialyq jobalardy ıske qosu üşın granttar ūsyndyq. Aqmaral Basirova qūrǧan Alatau audanynyŋ „Baqytty otbasy“ ortalyǧy bır jyldyŋ ışınde Almatynyŋ özge audandary üşın ǧana emes, elımızdıŋ basqa öŋırlerı üşın de ülgı bola bıldı», — dep jazdy B. Saǧyntaev.
Onyŋ aituy boiynşa mūnda äielderge tek keŋes berılıp qana qoimaidy. Qiyn jaǧdaiǧa tap bolǧan äielderdıŋ özderıne qaita senuıne, özderıne ūnaityn närsenı taŋdap, ömır saltyn tolyǧymen özgertulerıne kömektesedı. Analar öz mysalynda balalarǧa öz eŋbegımen aqşa tabuǧa bolatynyn körsetedı. Kün saiyn mūnda 150-ge juyq äiel keledı. Bır jyldyŋ ışınde 25 myŋ äiel azamaty 31 baǧyt boiynşa türlı kurstarda bılım aldy.
Almaty äkımı bır jyl būryn ortalyqqa bapker retınde kelgen Möldır Jünısbekovanyŋ ömırın mysalǧa keltırdı. Ol 500-ge juyq äieldı oqytsa, sonyŋ 200-ı bügın jūmys tapty. Tıptı ol jaŋa jūmys oryndaryn qūruda. «BJK-2025» boiynşa 2,5 mln tg kölemınde grantqa ie bolǧan Möldır 10 äiel eŋbek ete alatyn tıgın sehyna arnalǧan jabdyqty satyp aldy.
«Sättılık serıgıŋız bolsyn! Jaqsylyqqa senıŋız! Bızdıŋ tarapymyzdan ärdaiym qoldau men kömek bolady», — dep qoldau körsettı B. Saǧyntaev.
Aǧymdaǧy jyldyŋ basynan berı Alatau audanynyŋ «Baqytty otbasy» ortalyǧynda 27 myŋ äielge «Isker ana» baǧdarlamasy boiynşa aqparattyq-konsultasiialyq-resurstyq qoldau körsetıldı. Treningter men kurstarda 25 myŋ adam oqydy.
Sonymen qatar, «Biznes Bastau» baǧdarlamasy boiynşa 537 äiel bılımderın jetıldırdı, olardyŋ 300-ı grant alyp, kiım jöndeu, konditer, şaştaraz, manikiur salondaryn aşty, balalardyŋ damu kıtaptaryn jasap, avtokölık mūqabalaryn tıgıp jäne basqa da salalar boiynşa özderınıŋ käsıpterın bastady.
Ekı äiel «Biznestıŋ jol kartasy-2025» aiasynda innovasiialyq jobalardy ıske asyruǧa 2-den 5 mln tg deiın memlekettık grant aldy. Öndırıs şeberhanalaryn aşu üşın alaŋdar berılıp, al önımderın satu üşın bazarlardan 50-ge juyq oryn bölıngen.
"Adyrna" ūlttyq portaly
