Bügın Parlament Senatynyŋ jalpy otyrysynda deputat Bauyrjan Qaniev Premer-ministr Asqar Maminnıŋ atyna saual joldap, Aqtöbe oblysynda sapasyz jol jyl saiyn neşe adamnyŋ ölımıne sebep bolǧanyn baiandady.
Deputat aityp otyrǧan uchastok «Nūrly jol» baǧdarlamasynyŋ ekınşı kezeŋındegı otyz jobanyŋ ışıne kırgen. Bauyrjan Qaniev «Ortalyq-Batys» atty joba ışınde «Qandyaǧaş-Şalqar-Yrǧyz» jolyna tezırek qarjy bölınuı kerek dep sanaidy.
«Nūrly jol» baǧdarlamasynyŋ 2020-2025 jyldarǧa arnalǧan ekınşı kezeŋınde 30 jobany ıske asyru közdelgen. Osyndai ırı jobalardyŋ bırı - «Ortalyq-Batys» tas joly. Jalpy «Ortalyq-Batys» avtomobil dälızı
Nūr-Sūltandy Aqmola, Qostanai, Aqtöbe, Atyrau jäne Maŋǧystau oblystarymen bailanystyrady, osylaişa tört qalalyq aglomerasiianyŋ ekeuın jäne Qazaqstan Ükımetınıŋ Öŋırlerdı damytu baǧdarlamasynda körsetılgen ekınşı deŋgeidegı ekı qalany bırıktıredı», - dep aqparat berdı deputat.
Jalpy, «Nūr-Sūltan-Arqalyq-Torǧai-Yrǧyz-Şalqar-Qandyaǧaş» avtomobil jolyndaǧy osy "Ortalyq-Batys" avtomobil dälızınıŋ ūzyndyǧy 1292 şaqyrym, onyŋ ışınde Aqtöbe oblysynyŋ aumaǧynda 518 şaqyrymy jatyr.
«Qazırgı taŋda,«Ortalyq-Batys» joba aiasynda problemalyq sūraqtar tuyndap otyr. Eŋ aldymen, qoldanystaǧy Respublikalyq maŋyzy bar «Qandyaǧaş-Şalqar-Yrǧyz» avtomobildık joly qanaǧattanarlyqsyz jaǧdaida tūr. Soŋǧy jyldary Aqtöbe oblysynyŋ avtomobil joldarynyŋ naşarlyǧyna bailanysty jol-kölık oqiǧalary boiynşa oblys statistikasy köŋıl könşıtpeidı. Mäselen, 2018 jyly 643 jol apaty oryn alyp, 95 adam qaza bolyp, 796 adam jaraqat aldy. Al 2019 jyly 870 jaǧdaiǧa deiın östı, onda 110 adam qaza tauyp, 1173 adam jaraqat aldy», - deidı deputat.
Būl joldyŋ mäselesı Memleket basşysy Qasym-Jomart Toqaev 2019 jyly 22 mamyrda Aqtöbe oblysynyŋ jūrtşylyǧymen kezdesu kezınde de aitylǧan. Prezident atalǧan uchaskenıŋ strategiialyq maŋyzdylyǧyn nazarǧa alyp, 2020-2025 jyldarǧa äzırlenıp jatqan «Nūrly jol» memlekettık infraqūrylymdyq damu baǧdarlamasy şeŋberınde «Qandyaǧaş - Şalqar - Yrǧyz» joldaryn rekonstruksiialaudy qarjylandyrudy qarastyru turaly Ükımetke tapsyrma bergen bolatyn.
«Atalǧan uchaske boiynşa jobalyq-smetalyq qūjattama daiyn.Jobany ıske asyru Aqtöbe oblysy men Qazaqstan Respublikasynyŋ kölık äleuetın edäuır keŋeituge, sondai-aq avtokölıktıŋ neǧūrlym qauıpsız qozǧalysyn qamtamasyz etuge mümkındık beredı. Baiandalǧanǧa bailanysty, Memleket basşysynyŋ tapsyrmasyn oryndau üşın Ükımet joǧaryda atalǧan jobanyŋ qarjylandyru közderın aiqyndau jäne ony uaqtyly aiaqtau jönınde şaralar qabyldaudy sūraimyz», - deidı deputat.
«Adyrna» ūlttyq portaly
