Būl turaly aqparattyq-kommunikasiialyq ortalyǧynda ötken brifingte Şymkent qalalyq Densaulyq saqtau basqarmasynyŋ basşysy Baqytjan Pozilov məlımdedı.
– Qala tūrǧyndaryna qyzmet körsetetın 9 PTR zerthanasy aşylǧan. Olar künıne 3500-ge juyq test jasau mümkındıgıne ie. Bügınde təulıgıne 1500 ben 2000-nyŋ arasynda test qabyldauda. Iаǧni, osy künge deiın 116 591 PTR testı ötkızılgen. Al tösek-oryn jaily jetkızsem, qalada 1 060 tösek-oryn bar. Onyŋ 560-y jūqpaly aurularǧa, 500-ı karantindık aurularǧa arnalǧan. Qazırgı taŋda jūqpaly jäne karantindık auruhanalarda 156 nauqas em aluda, – dedı Baqytjan Joldasbekūly.
Basqarma basşysynyŋ aituynşa, üşınşı megapoliste epidemiologiialyq ahual ünemı baqylauda jäne koronavirustyq infeksiianyŋ taraluynyŋ aldyn alu maqsatynda köptegen jūmys atqarylyp jatyr.
Aita keteiık, qalada 2020 jyldyŋ 24 nauryzynan 29 qazanyna deiın koronavirus infeksiiasynyŋ 5 231 jaǧdaiy tırkelgen. Onyŋ 2662-sı simptomdy bolsa, 2569-y – simptomsyz. Olardyŋ ışınde 5 152 nauqas emdelıp şyqqan. Al osy jyldyŋ 1 tamyzy men 29 qazan aralyǧynda COVID-19 belgılerı men (ICD-10 kody - U07.2) pnevmoniianyŋ 985 jaǧdaiy tırkelgen.
Şymkent qalasynyŋ Aqparattyq-kommunikasiialyq ortalyǧy
Foto – S.Qosai
