Bügın Şymkent qalasynyŋ äkımı Mūrat Äitenov mūǧalımder men bılım salasynyŋ ardagerlerın käsıbi merekesımen qūttyqtady. Jas ūrpaqty bılım närımen susyndatyp jürgen ūstazdardyŋ qoǧamdaǧy orny erekşe ekenın atap ötken qala basşysy qazırgı pandemiiaǧa qaramastan balalarǧa üzdıksız bılım berıp jatqandyqtary üşın alǧysyn bıldırdı.
«Bügınde memleket bılım beru jüiesınıŋ halyqaralyq standarttarǧa sai bolu mäselesıne basa nazar audaryp otyr. Mäselen, Qazaqstanda jaŋartylǧan bılım beru baǧdarlamasy engızılude. Prezident tapsyrmasyna säikes, qaŋtar aiynan bastap mūǧalımderdıŋ jalaqysy 25 paiyzǧa ösedı. Sonymen qosa «Pedagog märtebesı turaly» arnaiy zaŋ qabyldandy. Būl Sızderden tūraqty türde ızdenudı, bılıktılıktı jetıldıre tüsudı talap etedı. Būǧan käsıbi mındet dep qana emes, azamattyq boryş dep qaraudy sūraimyn»,-dedı qala äkımı.
Sonymen qatar, Mūrat Äitenov qalada aldaǧy üş jylda 47 mektep salynatynyn mälım ettı.
Bügıngı taŋda Şymkent qalasynda 26 myŋnan astam mūǧalım bar. Qyrküiek aiynyŋ qorytyndysy boiynşa Şymkent qalasy respublikadaǧy mektepter arasynda «Bilim Iand jäne Onlinemektep.org» internet - platformasynda qaşyqtan oqytuda ekınşı orynda tūr. Al QR BǦM tarapynan endırılgen «Kündelık.kz» elektrondy jurnaldar aqparattyq jüiesınde üzdık üştıktıŋ qatarynda.
Şymkent qalasy äkımınıŋ baspasöz qyzmetı
