Búgin Shymkent qalasynyń ákimi Murat Áıtenov muǵalimder men bilim salasynyń ardagerlerin kásibı merekesimen quttyqtady. Jas urpaqty bilim nárimen sýsyndatyp júrgen ustazdardyń qoǵamdaǵy orny erekshe ekenin atap ótken qala basshysy qazirgi pandemııaǵa qaramastan balalarǵa úzdiksiz bilim berip jatqandyqtary úshin alǵysyn bildirdi.
«Búginde memleket bilim berý júıesiniń halyqaralyq standarttarǵa saı bolý máselesine basa nazar aýdaryp otyr. Máselen, Qazaqstanda jańartylǵan bilim berý baǵdarlamasy engizilýde. Prezıdent tapsyrmasyna sáıkes, qańtar aıynan bastap muǵalimderdiń jalaqysy 25 paıyzǵa ósedi. Sonymen qosa «Pedagog mártebesi týraly» arnaıy zań qabyldandy. Bul Sizderden turaqty túrde izdenýdi, biliktilikti jetildire túsýdi talap etedi. Buǵan kásibı mindet dep qana emes, azamattyq borysh dep qaraýdy suraımyn»,-dedi qala ákimi.
Sonymen qatar, Murat Áıtenov qalada aldaǵy úsh jylda 47 mektep salynatynyn málim etti.
Búgingi tańda Shymkent qalasynda 26 myńnan astam muǵalim bar. Qyrkúıek aıynyń qorytyndysy boıynsha Shymkent qalasy respýblıkadaǵy mektepter arasynda «Bilim Iand jáne Onlinemektep.org» ınternet - platformasynda qashyqtan oqytýda ekinshi orynda tur. Al QR BǴM tarapynan endirilgen «Kúndelik.kz» elektrondy jýrnaldar aqparattyq júıesinde úzdik úshtiktiń qatarynda.
Shymkent qalasy ákiminiń baspasóz qyzmeti
