Bügın aqparattyq-kommunikasiialyq ortalyǧynda Şymkent qalalyq Energetika jäne kommunaldyq şaruaşylyq basqarmasynyŋ basşysy Jolşybek Şaihslamovtyŋ qatysuymen basqarma tarapynan atqarylǧan jūmystar men qalanyŋ jylu mausymyna daiyndyǧy, auyz su, tabiǧi gazben qamtu, köşelerdı jaryqtandyru jönınde brifing öttı.
Baspasöz mäjılısı barysynda Jolşybek Mūhtarūly, eŋ aldymen, jylu beru jaiyn aitty.
– Bız kün raiy men bekıtılgen standarttar boiynşa jūmys ısteimız. Iаǧni, qalada aua temperaturasy 3-5 täulık ışınde +8 °S jäne odan tömen bolǧan jaǧdaida jylu jüiesı ıske qosylady. Jylumen eŋ äuelı balabaqşa, mektep, auruhana jäne äleumettık maŋyzy bar ǧimarattar qamtamasyz etıledı. Jalpy, qalada ortalyqtandyrylǧan jylu jüiesıne 1896 köpqabatty tūrǧyn üi qosylǧan. Onyŋ 1801-ı (95%) qysqy mausymǧa daiyn, – dedı J.Şaihslamov.
Basqarma basşysynyŋ aituynşa, qysymmen tekseru jūmystary tolyq jürgızılgen. Megapolistıŋ magistraldyq, ışkı oramdyq jylu jüielerın tekseru barysynda kezdesken aqaudyŋ bärı qalpyna keltırılgen. Sondai-aq, qalanyŋ jylu tasymaldauşy mekemelerı «Quatjyluortalyq-3» MKK jäne «Nūr-Arystan» JŞS-ı tarapynan investisiialyq baǧdarlamalary aiasynda 4,2 şaqyrym jylu jüielerınde kürdelı jöndeu jūmystary jürgızılgen. Al ortalyqtandyrylǧan jylu jüiesındegı 17 sorǧy stansanyŋ 15-sı daiyn. Qalǧan ekı stansanyŋ jürgızılıp jatqan jūmysyn jylu mausymyna deiın aiaqtau josparlanǧan.
Sonymen qatar, şahardaǧy 479 biudjettık nysannyŋ 470-sı (98%) qysqy mausymǧa daiyn. Qalǧan 9 nysanda kürdelı jöndeu jūmystary jürgızılude. Al kışı qazandyqtarmen jylytylatyn biudjettık nysandarǧa 5940 tonna kömır, 222 tonna sūiyq otyn qajettılıgı anyqtalyp, kömır men sūiyq otyn jüz paiyz jetkızılgen. Al infraqūrylym jelılerı men nysandarynyŋ (elektr, auyz su, kärız, tabiǧi gaz) qysqy mausymǧa daiyndyq jūmystary tolyq aiaqtalǧan.
Aita keteiık, Şymkent qalasy tūrǧyndarynyŋ qatty otynǧa (kömır) qajettılıgı – 73,7 myŋ tonna, al tūrǧyndarǧa jetkızılgenı 53,2 myŋ tonnany (72%) qūrap otyr. Qalanyŋ kömır qoimalarynda 45,0 myŋ tonna qajettı kömır qory bar. Öz kezegınde tūrǧyndarǧa qatty otyndy uaqytyly satyp alu turaly tüsındıru jūmystary jürgızılude.
Şymkent aqparattyq-kommunikasiialyq ortalyǧy
