Qazan aiynyŋ ekınşı jeksenbısı Qazaqstanda mügedekter künı bolyp bekıtılgen. Halyqaralyq mügedekter künın atap ötu mümkındıgı şekteulı jandardyŋ problemalaryna, ar-namysy men qūqyqtaryn qorǧau mäselesıne qoǧam nazaryn audaruǧa, sondai-aq, mügedekterdıŋ elımızdıŋ qoǧamdyq-saiasi, äleumettık-mädeni ömırıne belsendı aralasuyn qamtamasyz etuge baǧyttalǧan.
Osyǧan orai, Şymkent qalasynyŋ äkımı Mūrat Äitenov «Şapaǧat» oŋaltu ortalyǧynda bolyp, mekemenıŋ jūmysymen tanysty.
«Şapaǧat» mügedekterge arnalǧan oŋaltu ortalyǧy» kommunaldyq memlekettık mekemesı psiho-nevrologiialyq aurulary bar on segız jastan asqan mügedekterge, bırınşı jäne ekınşı toptaǧy mügedekterge arnauly äleumettık qyzmetter körsetedı. Ötken jyly aşylǧan ortalyq 70 orynǧa laiyqtalǧan. Onda keluşılerge barlyq jaǧdai jasalǧan. İnstruktor mamandardyŋ kömegımen dene şynyqtyru kabinetınıŋ qyzmetın paidalana alady. Arnaiy kabinetterde mügedekter därıger nūsqauy boiynşa türlı em-dom qabyldaidy.
Mūrat Düisenbekūly memleket mümkındıgı şekteulı azamattarǧa ärdaiym qamqorlyq körsetetının, äleumettık tölemderdıŋ mölşerı tūraqty türde ösıp kele jatqanyn aitty.
Jalpy, Şymkent qalasynda mümkındıgı şekteulı 37 myŋǧa juyq adam esepke alynǧan.
Osy sanattaǧy adamdardyŋ äleumettık jaǧdaiyn jaqsartu maqsatynda biyl biudjet közderınen bölıngen qarjyǧa arnaiy qūraldardyŋ 55 türı satyp alynyp, arnaiy qyzmetterdıŋ 4 türı körsetılude.
Biyl QR Eŋbek jäne halyqty äleumettık qorǧau ministrlıgınen Şymkent qalasyna 406 dana elektrondy qolarba bölıngen. Jyl basynan berı 100 dana elektrondy qolarba kelıp, I, II-toptaǧy mügedekterge ülestırılude. Qalǧan 306 danasy jyl soŋyna deiın mūqtaj jandarǧa taratylady. Biudjetten qosymşa 1 210 seruendık jäne bölmelık qol arba aluǧa kelısımşart tüzılgen.
Sonymen qatar Şymkenttegı alty arnauly äleumettık mekeme mügedektıgı bar 1 725 adamǧa qyzmet körsetken.
Atap aitqanda, psihonevrologiialyq auytquy bar, tırek-qimyl apparatynyŋ funksiialary būzylǧan balalar men psihonevrologiialyq auruy bar 18 jastan asqan azamattar, I jäne II-toptaǧy mügedekter men qarttarǧa stasionarlyq, jartylai stasionarlyq rejimde jäne üide oŋaltu şaralary jürgızılgen.
Mūnan bölek memlekettık mekemelerge alternativa retınde ükımettık emes ūiymdar da osy sanattaǧy azamattarǧa äleumettık qyzmet körsetude.
Şymkent qalasy äkımınıŋ baspasöz qyzmetı
