Bügın aqparattyq-kommunikasiialyq ortalyǧynda Şymkent qalasy äkımınıŋ orynbasary Maqsūt İsahovtyŋ qatysuymen qaladaǧy jol mäselesı boiynşa brifing öttı.
Baspasöz mäjılısınde Maqsūt Pernebaiūly qaladaǧy magistraldy köşelerdıŋ mäselesıne toqtaldy.
– Qaladaǧy magistraldy Bäidıbek bi, Respublika, Täuke han daŋǧyldary, Temırlan tas joly men T.Rysqūlov jäne Jıbek joly köşelerınıŋ kölık aǧyny jobalyq ötkızu qabıletınen 2 esege asuda. Sol sebeptı kölık keptelısterı jiı boluda. Osyǧan orai kölık aǧynyn oŋtailandyru maqsatynda bırneşe joba daiyndaldy. Al bügınde qūrylysy jürıp jatqan magistraldy köşelerdıŋ 85 paiyzy aiaqtalyp otyr. Odan bölek, jaiau jürgınşıler jolyn ekı-üş adam qatar jüre alatyndai etıp ıstep jatyrmyz, – dedı qala äkımınıŋ orynbasary.
Maqsūt Pernebaiūlynyŋ sözıne süiensek, Bäidıbek bi daŋǧylyndaǧy kölık aǧynyn oŋtailandyru barysynda T.Ötegenov köşesın «Şymkent Siti» qalaşyǧyna deiın jalǧastyru jobasy äzırlengen. Köşenıŋ ūzyndyǧy – 2,3 şaqyrym, ıske asyru merzımı – 2021-2022 j.j. Kölık aǧynyn retteu kezınde S.Bäiterekov köşesın Tūran şaǧynaudanyndaǧy magistraldy köşelerıne (Qaitpas-1 ş/a, Altynsarin köşesın keŋeitu) qospaq. Köşenıŋ ūzyndyǧy – 2,1 şaqyrym. Sondai-aq, Asar şaǧynaudanyndaǧy atauy joq köşenı «Şymkent Siti» qalaşyǧynyŋ ortalyq köşesıne qosu jospary bar. Köşenıŋ ūzyndyǧy 1,3 şaqyrymdy qūraidy. Al Jıbek joly jäne J.Adyrbekov köşelerındegı kölık aǧynyn oŋtailandyru üşın S.Jandosov köşesın Ä.Sasbūqaev köşesınen J.Adyrbekov köşesıne deiın jalǧastyrmaq. Köşenıŋ ūzyndyǧy 350 metrdı qūrap otyr.
Sonymen qatar, Respublika daŋǧylyndaǧy kölık aǧynyn oŋtailandyru kezınde D.Qonaev daŋǧyly jalǧasynyŋ jobasyn A-2 avtomobil jolyna deiın qosylady. Köşenıŋ ūzyndyǧy – 1,6 şaqyrym. Odan bölek, Abai daŋǧylyn N.İsmailov köşesınen A-2 avtomobil jolyna deiın jalǧasady. Köşenıŋ ūzyndyǧy 1,7 şaqyrymdy qūraidy. Būl joldyŋ jobasy magistraldy temırjol jäne «Badam» özenın qiyp ötedı. Al Temırlan tas jolynyŋ kölık aǧynyn oŋtailandyru üşın Äl-Farabi köşesın A-2 avtomobil jolynan M-32 avtomobil jolyndaǧy «Badam» jol aiyryǧyna deiın jalǧastyrylady. Köşenıŋ ūzyndyǧy 7,3 şaqyrymdy qūrap, bügınde atalǧan jol qūrylysynyŋ 80%-y atqarylǧan.
Aita keteiık, brifingte M.İsahov qaladaǧy jürgızılıp jatqan köpır qūrylystaryna da toqtalyp, jūmys barysyn BAQ ökılderıne jan-jaqty jetkızdı.
Şymkent aqparattyq-kommunikasiialyq ortalyǧy
Foto – S.Qosai
