Şymkent qalasyndaǧy būrynǧy qorǧasyn zauytynyŋ qaldyqtaryn joiu mäselesı şeşımın tapty. Jetpıs jyldan astam uaqyttan berı jinalǧan öndırıs qaldyqtary qorşaǧan orta men ekologiiaǧa ziianyn tigızıp keldı. Jyldar boiy qordalanǧan tüitkıldı mäselenıŋ oŋtaily şeşımı tabyldy.
Bügın mūnda öndırıs qaldyqtaryn öŋdep, tüstı metall konsentratyn şyǧaratyn öndırıs orny ıske qosyldy. Käsıporynnyŋ ziiandy qaldyqtardy zalalsyzdandyruda ekologiialyq maŋyzy zor.
Qalamyzdaǧy bıregei jobanyŋ jūmysymen bügın QR İndustriia jäne infraqūrylymdyq damu ministrı B.Atamqūlov pen Şymkent qalasynyŋ äkımı Mūrat Äitenov tanysty.
Memlekettık industriialyq-innovasiialyq damu baǧdarlamasyna engızıletın jobany «Standard Steel KZ» JŞS-gı jüzege asyrdy. Mūnda jylyna 400 myŋ tonna öndırıs qaldyqtary qaita öŋdeledı.
Bügıngı taŋda jobanyŋ jylyna 250 myŋ tonna qaldyqtardy öŋdeitın bırınşı jelısı jūmysyn bastady. Zauyt biyl qaraşa-jeltoqsan ailarynda tolyǧymen ıske qosylǧanda 400 adam jūmyspen qamtylady.
Bügınde qorşaǧan ortany qorǧau, tüstı metal öndırısın damytuda qaldyqtardy qaita öŋdeudıŋ maŋyzy öte zor. Joba tolyǧymen ıske qosylsa, ekologiiany ziiandy qaldyqtardan tazartuǧa zor üles qospaq.
Käsıporyn jūmysymen tanysqan Beibıt Atamqūlov atalǧan öndırıs ornynyŋ ekologiialyq tiımdılıgımen qatar, äleumettık-ekonomikalyq rolı de zor ekenın atap öttı.
Öndırıs oşaǧy tolyq quattylyǧynda jūmys ıstegende, aumaq ziiandy qaldyqtardan 3-4 jylda tazartylatyn bolady.
Şymkent qalasy äkımınıŋ baspasöz qyzmetı
