Bügın aqparattyq-kommunikasiialyq ortalyǧynda Şymkent qalalyq Işkı saiasat jäne jastar ısterı jönındegı basqarmasynyŋ basşysy Janar Bektaeva jäne «Erkın oi» gazetınıŋ bas redaktory Baltabek Tüietaevtyŋ qatysuymen «Intellectualdy ult» jalpyūlttyq jobasy boiynşa brifing öttı.
Baspasöz mäjılısınde Janar Älıbekqyzy, eŋ aldymen, «Intellectualdy ult» jalpyūlttyq jobasynyŋ maqsaty jaiynda jan-jaqty jetkızdı.
– Būl jobanyŋ maqsaty jastardy ziiatkerlık sport türıne bauluǧa baǧyttalǧan. Iаǧni, şahmat, toǧyzqūmalaq jäne doiby oiyndary arqyly jastardyŋ oilau qabıletın arttyryp, sanaly ūrpaq qalyptastyru. Ǧylymda: «Adam oilau jüiesınıŋ 30-aq paiyzyn qoldanady. Al qalǧany jūmys ıstetu arqyly damidy» degen qaǧida bar. Sol sebeptı jas buynnyŋ dūrys oilauyn damytuymyz kerek. Mäselen, bügınde jasöspırım jeŋıl oiyndarǧa, jeŋıske jetuge qūmar. Al şahmat oiynynyŋ basty qaǧidasy – jeŋıs emes, sol jeŋıske qalai jetu. Iаǧni, är türlı ädıs qoldanyp, strategiialyq qabıletın şyŋdaidy. Jastardyŋ boiyna jetpei jatqan osy bır qasiettı jetıldıru maqsatynda būl jobany qolǧa aldyq, – dedı basqarma basşysy.
Brifing barysynda atalǧan jobanyŋ janaşyry ärı jüzege asyruşysy Baltabek Tüietaev baiqau jaiynda söz qozǧady.
– Būl joba aiasynda «Oily bolsaŋ, ozyp kör!» baiqauy ötedı. Ol 15 qazan künı bastalyp, jyl soŋyna deiın jalǧasady. Jalpy jülde qory – 2,5 mln teŋge. Saiys jas erekşelıkterge bölıngen. Olar – oquşylar, eresekter jäne ardagerler. Būl intellektualdy oiyndar aqyl-oi tärbiesıne, jeke adamdy qalyptastyruǧa erekşe yqpal etedı. Atap aitsam, qazaq topyraǧyndaǧy ūly tūlǧalar A.Qūnanbaev, Ş.Qūdaiberdıūly, M.Dulatūly, Ş.Qaldaiaqov jäne Ǧ.Müsırepov ziiatkerlık önerımen daralanǧan, – dedı Baltabek İsaqūly.
Aita keteiık, baiqauda käsıbi mamandar töreşılık etedı.
Şymkent qalasynyŋ Aqparattyq-kommunikasiialyq ortalyǧy
Foto – S.Qosai
