Şymkent qalasynyŋ äkımı Mūrat Äitenov jylyjai qūrylysyna qajettı qūral – jabdyqtar öndıretın zauyttardyŋ jūmysymen tanysty. Aldymen Asar–2 şaǧyn audanynda ornalasqan «ZERO MAX KZ» zauytyna bardy. Atalǧan zauyt jylyjai keşenderın saluǧa arnalǧan myryştalǧan qūbyrlar men jylyjai qūrylysyna qajettı önımderdı öndıredı.
Joba qūny - 2,6 mlrd. teŋgenı qūraidy. Öndırıs orny jylyna 380 gektar bolatyn jylyjai qūrylysyna qajettı qūral – jabdyqtardy öndıruge qauqarly. Bügıngı taŋda zauyttan 100 gektardan astam önerkäsıptık jylyjailar keşenderın ıske asyruǧa jabdyqtar satylǧan.
Sonymen bırge, qala äkımı Oŋtüstık Koreialyq tehnologiiamen polietilen plenkasyn (ülbır) jäne plastik būiymdaryn öndırumen ainalysatyn «AK Ordasy Plastik» JŞS zauytynyŋ jūmysymen tanysty. Aita ötu kerek, būl - jylyjai şaruaşylyqtary üşın enı 12 metrlık üş qabatty plenka (ülbır) şyǧaratyn Qazaqstandaǧy jalǧyz zauyt bolyp tabylady.
Būl jobanyŋ qūny 2,4 mlrd. teŋgenı qūraidy. Zauyt täulıgıne üş qabatty jylyjaiǧa arnalǧan 25 tonna plenka jäne 5 tonna baqşa plenkalaryn (qalyŋdyǧy 10 mikronnan 300 mikronǧa deiın) öndıredı. Zauyt ärtürlı salalarǧa arnalǧan plenkalardyŋ (ülbırlerdıŋ) türlerın şyǧarady. Atap aitqanda, jylyjai plenkasy, qūrylys polietilen plenkasy, gidroizoliasiiaǧa arnalǧan plenka, şögıletın plenka jäne streitch plenkalary.
Şymkent qalasy äkımınıŋ baspasöz qyzmetı
