Türkiianyŋ zılzala qūrbandarynyŋ sany 100 adamǧa jettı

Türkiianyŋ batysyndaǧy zılzala qūrbandarynyŋ sany 100 adamǧa jettı. Būl turaly Türkiia ükımetı janyndaǧy Tötenşe jaǧdailardyŋ aldyn alu jäne saldaryn joiu basqarmasy (AFAD) mälımdedı, dep habarlaidy QazAqparat Anadoly agenttıgıne sılteme jasap. Türkiiadaǧy zılzala: Üş künge juyq üiındınıŋ astynda jatqan 3 jasar qyz qūtqaryldy Ystyqkölde 3,5 baldyq jer sılkınısı boldy Türkiiada zılzaladan qaza tapqandar sany 76 boldy İzmirdegı jer sılkınısı: Qūrban bolǧan  adam sany 62-ge jettı Basqarmanyŋ mälımetınşe, 30 qazandaǧy Türkiianyŋ batysynda bolǧan 6.6 baldyq jer sılkınısınen keiın 1401 dümpu bolǧan. Onyŋ 44-ınıŋ magnitudasy 4 baldan joǧary. Auruhanalarǧa 994 adam jetkızılgen. Zardap şekkenderdıŋ 884-ı medisinalyq kömek körsetılgen soŋ üiıne jıberılgen, 147-sı emdelıp jatyr. Olardyŋ 12-sı jan saqtau bölımınde. 17 qiraǧan üidıŋ 12-sınıŋ üiındılerın bölşekteu aiaqtaldy. Türkiia prezidentı Rejep Taiyp Erdoǧan būǧan deiın jer sılkınısınıŋ saldaryn joiu üşın memlekettıŋ barlyq qajettı resurstarynyŋ şoǧyrlanǧanyn mälımdegen bolatyn. Memleket basşysy üiınen aiyrylǧan barlyq azamat jaŋa päterler alatynyn atap öttı.