Şymkenttıŋ tarihi-mädeni eskertkışterı, arheologiialyq keşenderı köpşılıkke odan ärı oŋtaily, qoljetımdı bola tüspek.
Bügın Şymkentte «Ruhani jaŋǧyru» qazaqstandyq qoǧamdyq damu instituty» KEAQ «Ruhani jaŋǧyru» ortalyǧynyŋ basşysy Janar Boqanova, Şymkent qalasy turizm basqarmasynyŋ basşysy Oljas Şyntaev, «2GIS-Shymkent» JŞS direktory Nūrjan Omarov, Şymkent qalalyq «Ruhani jaŋǧyru» bölımınıŋ meŋgeruşısı Zäure Oralbaeva BAQ ökılderıne atqarylǧan jūmystardy baiandap, aldaǧy josparlarynan habardar ettı.
Bügınde elımızde kielı tarihi oryndardy naqtylau «Qazaqstannyŋ kielı jerlerınıŋ geografiiasy» arnaiy jobasy aiasynda ıske asyryluda. Joba şeŋberınde respublikalyq maŋyzy bar tarih jäne mädeniet eskertkışterde ǧylymi-restavrasiialau jūmystary jürgızılıp, osy obektılerdıŋ infraqūrylymyn damytu boiynşa jäne QR-kodtar ornalastyru jūmystary qolǧa alyndy. Bügıngı memorandum Şymkenttıŋ turistık äleuetın odan ärı damytuǧa zor serpın bermek.
– Atqarylǧan jūmystar nätijesınde sakraldyq jäne tarihi obektılerge degen qyzyǧuşylyq artuda. Bügıngı memorandumnyŋ maqsaty da osy – tarihi-mädeni nysandardy halyqqa tanymal etu, qoljetımdılıktı arttyru. Jalpy Şymkent qalasynda 10-nan astam nysan kartaǧa engızıledı. Jyldyŋ soŋyna qarai bız osy baǧytta atqarylǧan jūmystardy qorytyndylaimyz, – dedı Janar Qalihanqyzy.
Brifingte «Ruhani jaŋǧyru» qazaqstandyq qoǧamdyq damu instituty» KEAQ «Ruhani jaŋǧyru» ortalyǧynyŋ basşysy Janar Boqanova men «2GIS-Shymkent» JŞS direktory Nūrjan Omarov yntymaqtastyq memorandumyna qol qoidy.
Jalpy, Şymkent qalasynda 7 nysan respublikalyq, 8 nysan jergılıktı maŋyzy bar tarih jäne mädeniet eskertkışterınıŋ memlekettık tızımıne engızılgen.
Şymkent qalasynyŋ Aqparattyq-kommunikasiialyq ortalyǧy
