«Aq jol» demokratiialyq partiiasy fraksiiasynyŋ deputattary barynşa zarap şekken şaǧyn jäne orta biznes kreditterın 6 paiyzben ıs jüzınde qaita qarjylandyrudy kıdırıssız bastaudy talap ettı, dep habarlaidy «Adyrna» ūlttyq portaly QazAqparat-qa sılteme jasap.
«QR Prezidentı osy jyldyŋ 1 qaŋtaryndaǧy Joldauynda «ekonomikanyŋ zardap şekken sektoryndaǧy şaǧyn jäne orta biznestıŋ barlyq qoldanystaǧy kreditterı boiynşa jyldyq 6 paiyzdyq mölşerlememen memlekettık subsidiialaudy qamtamasyz etu qajet» degen bolatyn. Sonymen qatar Prezident būl maqsatqa qosymşa 200 mlrd teŋge bölınetındıgın, al subsidiialau baǧdarlamasynyŋ jalpy kölemı 800 mlrd teŋgege jetkızıletındıgın habarlaǧan edı. Būl tapsyrma käsıpkerlık qoǧamdastyq arasynda ülken rezonans tudyrdy», - dedı Premer-Ministr Asqar Maminnıŋ atyna deputattyq saual joldaǧan Azat Peruaşev. Mäjılıs deputatynyŋ deregınşe, tıkelei pandemiiadan jäne onymen bailanysty şaralardan 1 millionnan astam käsıpker zardap şektı. Būl elımızde tırkelgen biznes subektılerınıŋ üşten ekısın qūraidy. Tötenşe jaǧdaiǧa jäne lokdaun şekteulerıne bailanysty 430 myŋnan astam käsıpker jūmysyn toqtatyp, onyŋ basym bölıgı älı künge deiın qyzmetın jandandyrǧan joq. Äsırese kölık, sauda jäne qyzmet körsetu, qoǧamdyq tamaqtanu, qonaq üi biznes, jyljymaityn mülıkpen bailanysty operasiialar salalary ülken şyǧynǧa batty. Alaida Memleket basşysynyŋ tapsyrmasyna säikes elımızdıŋ barlyq öŋırlerındegı şaǧyn jäne orta biznes subektılerınıŋ kreditterın qaita qarjylandyru jürgızılmei otyr. «Osyǧan orai bız Ükımetten, Ūlttyq bankten jäne QR Qarjy naryǧyn retteu jäne damytu agenttıgınen zardap şekken barlyq şaǧyn jäne orta biznestıŋ kreditterın 6 paiyzben qaita qarjylandyrudy şūǧyl, kıdırtpesten bastaudy ötınemız. Sonymen qatar Prezident Joldauynyŋ oryndaluyn söz būidaǧa salǧan lauazymdy tūlǧalardy anyqtap, jauapkerşılıkke tartudy sūraimyz», - dedı Azat Peruaşev.
Foto aşyq derekközden alyndy
«Adyrna» ūlttyq portaly
