Biyl «Nūrly jer» memlekettık baǧdarlamasynyŋ «7-20-25», «2-10-20» jäne «Jūmys ısteitın jastarǧa satyp alu qūqyǧynsyz jalǧa berıletın tūrǧyn üi» tūrǧyn üi baǧyttaryn avtomattandyru maqsatynda «Şymkent-Baspana» aqparattyq jüiesınıŋ jūmysy qalyptastyryldy.
Būl jönınde Şymkent qalasynyŋ tūrǧyn üi jäne tūrǧyn üi inspeksiiasy basqarmasynyŋ basşysy Ǧalymjan Tölepov aqparattyq-kommunikasiialyq ortalyqta ötken brifingte mälımdedı. Sondai-aq basqarma basşysy kredittık tūrǧyn üi baǧyttarynyŋ oryndalu barysy turaly baiandady.
Onyŋ aituynşa «2-10-20» tūrǧyn üi baǧyty boiynşa 224 otbasy äleumettık nesielendıru şartymen tūrǧyn üimen qamtylǧan. Onyŋ ışınde köpbalaly otbasylar – 114, tolyq emes otbasylar – 60, mügedek balany tärbieleuşı otbasy – 50. Sonymen qatar, «2-10-20» - «Baqytty otbasy» kredittık tūrǧyn üi baǧyty boiynşa bastapqy jarnasynyŋ bır bölıgıne äleumettık kömek retınde qaitarymsyz negızde jergılıktı biudjettıŋ esebınen bölıngen 100 mln. teŋgege 101 azamatqa tūrǧyn üi sertifikattary berıldı.
Odan bölek, 1 qazandaǧy jaǧdaiǧa säikes, «7-20-25» tūrǧyn üi baǧyty boiynşa 885 azamat jaŋa päterdıŋ kıltın alǧan.
Jyl soŋyna deiın «7-20-25», «2-10-20» baǧyttary boiynşa 4 nesielık üi, «5-20-25» baǧyty boiynşa «Qazaqstannyŋ tūrǧyn üi qūrylys jinaq bankı» AQ arqyly JAO-da kezekte tūrǧandarǧa 16 nesielık üi, «Qazaqstannyŋ tūrǧyn üi qūrylys jinaq bankı» AQ baǧyty boiynşa bank salymşylaryna (JAO-da kezekte tūrǧandarǧa – 50%, salymşylarǧa – 50%) 6 kredittık üi paidalanuǧa berıledı.
Şymkent qalasy äkımınıŋ baspasöz qyzmetı
