Ūly Abaidyŋ 175 jyldyǧyna orai Şyǧys Qazaqstan oblysynda etnos jastary arasynda «Abai oqulary» respublikalyq baiqauy ötkızıldı. Är öŋırden jarysqa 20-ǧa juyq adam qatysty.
Baiqauǧa Şymkent qalasynyŋ namysyn qorǧap №88 jalpy orta bılım beretın mektebınıŋ mūǧalımı Pak Temur Andreevich qatysty. Abai şyǧarmalaryn körkem şeberlıkpen oryndaǧan Temur toptan oza şyǧyp Bas jüldege ie boldy.
Atalmyş jarysta Abaidyŋ bılım, ǧylym jäne öner turaly öleŋderı, «Abai joly» epopeiasynan 3-4 minuttan turatyn üzındısı, Abaidyŋ qara öleŋderı jatqa aityldy.
Sonymen qatar, «Abaidyŋ tılı – adamzattyŋ ruhani qazynasy» taqyrybynda beinerolik daiyndaldy.
Bas jüldenı qanjyǧasyna bailaǧan Temur Pak bügınde mektepte dene şynyqtyru pänınen sabaq beredı. Ol «Qazaqstan Respublikasy Assambleiasyna 25 jyl» merekelık medalımen marapattalǧan. Qazırgı taŋda Qazaqstan halyqtary Assambleiasy korei etnomädeni bırlestıgınde Jastar qanatynyŋ töraǧasy.
Şymkent qalasy äkımınıŋ baspasöz qyzmetı
