Elbasy N.Ä.Nazarbaevtyŋ «Bolaşaqqa baǧdar: ruhani jaŋǧyru» atty baǧdarlamalyq maqalasynyŋ 3 jyldyǧyna orai qoǧamdyq sanany jaŋǧyrtu jolynda atqarylǧan jūmystar saralanyp, materialdar jinaqtalyp, «Jaŋǧyrǧan sana – jaŋa serpın» kıtap-jinaǧy şyǧaryldy.
Aǧymdaǧy jyldyŋ 3 qaraşa künı atalmyş kıtap-jinaq avtorlarymen kezdesu ötkızıldı. Jinaq avtorlarynyŋ sany 40-qa juyq adamdy qūraidy.
Būl kıtap-jinaqqa «Ruhani jaŋǧyru» baǧdarlamasyn jüzege asyru boiynşa ziialy qauym ökılderınıŋ, qoǧam qairatkerlerınıŋ oi-tolǧamdary men Aqtöbe qalasy jäne audandardyŋ, oblystyq salalyq basqarmalardyŋ, joǧary oqu oryndarynyŋ atqarylǧan jūmystary turaly maqalalar jinaqtalǧan.
Kezdesu barysynda QR mädeniet salasynyŋ üzdıgı E.Qūrmanbek, Q.Jūbanov atyndaǧy AÖU dosentı, t.ǧ.k. D.Äbenov, S.Baişev atyndaǧy Aqtöbe universitetınıŋ prorektory, f.ǧ.k. M.Mirov, «Qoǧamdyq kelısım» KMM mamany T.Saparov, Q.Jūbanov atyndaǧy AÖU dosentı, f.ǧ.k. N.Säduaqas kıtap-jinaqtyŋ mazmūny turaly oi-pıkırlerın bıldırıp, aldaǧy uaqytta jaryq körer jinaqtar töŋıregındegı jaŋa ideialarymen bölıstı.
Jauapty redaktory Erkın Qūrmanbektıŋ aituynşa, jinaq qūrastyrudaǧy maqsat «Ruhani jaŋǧyru» baǧdarlamasy aiasyndaǧy qoǧamdyq sanany jaŋǧyrtu jolynda 3 jyl boiy atqarylǧan jūmystardy saralau.
Şara soŋynda kıtap avtorlarǧa ülestırılıp, oblystyq, audandyq barlyq kıtaphanalarǧa, arhiv jäne muzeilerge taratyldy.
