Aqtöbe oblysynda 2020 jyly 1 mln şarşy metr tūrǧyn üi tapsyrylady

Būl turaly Ortalyq kommunikasiialar qyzmetınde ötken baspasöz konferensiiasy barysynda Aqtöbe oblysynyŋ äkımı Oŋdasyn Orazalin habarlady. Öŋırde tūrǧyn üi qūrylysy salasynyŋ qarqyndy damuy baiqalady. Atap aitqanda,  tūrǧyn üi qūrylysy belsendı damyp, "Nūrly jer" baǧdarlamasy jüzege asyryluda. Qazırgı taŋda 558 myŋ m2 baspana (3 785 päter) paidalanuǧa berıldı. Jyl soŋyna deiın 1 mln.m2 (7 200) päter tapsyru josparlanyp otyr. Al "7-20-25" baǧdarlamasy boiynşa şamamen 1 400 ötınım maqūldandy. «Tūrǧyn üi kezegınde 31,2 myŋ adam tūr, onyŋ ışınde 16,5 myŋy – halyqtyŋ äleumettık osal toptarynyŋ ökılderı, 2,8 myŋy - köp balaly otbasy. Aǧymdaǧy jyly 1 084 otbasyna päter beru josparlanuda, 485 otbasy tūrǧyn üi aldy, onyŋ ışınde 222 - halyqtyŋ äleumettık osal toptarynyŋ ökılderı, 236-köpbalaly otbasylar. Būl maqsatqa 6,5 mlrd. teŋge qarastyrylǧan. Kelesı jylǧa 1,1 mln m2 tūrǧyn üidı nemese 7 500-dei päterdı paidalanuǧa beru josparlanǧan»,- dedı spiker. Pandemiiaǧa bailanysty aǧymdaǧy jyldyŋ nauryz aiynan mamyr aiyna deiın Aqtöbe qalasy boiynşa kommunaldyq qyzmetterge şektı tarifter 20% - ǧa, audandar boiynşa 50% - ǧa, elektr energiiasyn tūrmystyq maqsattarda paidalanatyn tūrǧyndardyŋ toptary üşın oblys boiynşa elektrmen jabdyqtauǧa 10% şegınde tömendetıldı. Oblysta halyqtyŋ ömır süru sapasyn arttyru boiynşa jüielı şaralar qabyldanuda. Eldı mekenderdı sumen jäne gazben jabdyqtau jönındegı jobalardy ıske asyrudyŋ qorytyndylary boiynşa osy  jyldyŋ soŋyna deiın halyqty ortalyqtandyrylǧan sumen jabdyqtau 95,8% – dy, gazben jabdyqtau 91,3% - dy qūraidy. 2021 jyly 12 eldı mekennıŋ tūrǧyndaryn auyz sumen, 8 eldı mekendı gazben qamtamasyz etu jobalaryn ıske asyru josparlanyp otyr, joba qūny 4,8 mlrd.teŋge.