Mazaqqa ainalmaǧan neŋ qaldy? VİDEO

Qazaqstandyq şou-biznestıŋ jaryq jūldyzy Nūrbolat Abdullin dosynyŋ toiynda tanytqan qylyǧy üşın eldıŋ synyna ūşyrady. Öner iesı betaşar kezınde aty atalǧanda ortaǧa şyǧyp, köpşılıkke bır uys aqşa şaşqan. Jelıdegıler onyŋ būl äreketı ūlttyq dästürdı syilamaǧanyn körsetetının aituda, dep habarlaidy "Adyrna"  ūlttyq portaly azatmedia.kz  saityna sılteme jasap. Nūrbolat Abdullin dosynyŋ quanyşynda erekşelenbek bolyp, asqan jomarttyq tanytty. Betaşar kezınde halyqtyŋ ortasyna şyqqan änşı bır uys aqşany kökke şaşyp, el nazaryn özıne audardy. Şou-biznes jūldyzynyŋ qatysuymen bolǧan toidaǧy sätten üzındı Instgram jelısındegı qaz.stars paraqşasynda jariialanǧan. Videodan betaşar jürgızıp jatqan azamattyŋ Abdullindı «million tastaityn kez keldı» dep şaqyrǧanyn köruge bolady. Säikesınşe, änşı barşa meimandar sekıldı aldymen tabaqqa aqşa salyp, artynan taǧy bır uysyn şaşty. Alaida, öner iesınıŋ būl qylyǧy bärıne bırdei ūnai qoiǧan joq. Keibır jelı qoldanuşylary ärtıstıŋ toidaǧy äreketıne degen narazylyǧyn bıldırıp, ony synǧa alyp jatty. «Dästür degen ne bolyp jatyr? Qazır bet aşu da aqşa üşın bolyp jatqany ma?» , «Qairan qor bolǧan ,betaşarym-ai» , «Halyq aştyqtan qyrylyp jatqanda, ötırık maqtanudyŋ ne qajetı bar?» , «Ysyrap aqşa şaşqan dūrys emes. Onyŋ da sūrauy bar» , «Dostyq aqşamen ölşenbeu kerek» , «Betaşardy, ata saltymyzdy būzbaŋdar» , «Özderın müldem ersı ūstaidy. Semırıp sekıredı degen osy bolar. Sözım joq» , «Salt-dästürdı äbden mazaq ettı» , – dep jazuda köpşılık. [video width="640" height="640" mp4="https://adyrna.kz/content/uploads/2020/11/123786998_690782515156064_9205209096197997611_n.mp4"][/video]