Jaqyndaǧy bır sūhbatynda reseilık saiasatker Vladimir Jirinovskii Almatydaǧy Masanchi köşesınıŋ atauyn özınıŋ qūrmetıne auystyrudy armandaitynyn aitqan, sebebı, onyŋ jarty ömırı osy köşedegı 79-üide ötken eken. Onyŋ osy tılegın «Namys» jastar bırlestıgınıŋ belsendılerı oryndady. Alaida, köşege emes, onyŋ esımı qaladaǧy basqa zatqa berıldı dep habarlaidy «Adyrna.kz» tılşısı zakon.kz-ke sılteme jasap.
Jirinovskii 1946 jyly 25 säuırde Almaty qalasynda düniege kelgen. Masanchi köşesındegı, 79 üide tūrdy, 1964 jyly 3 şıldede Qazaqstannan ketken. Vladimir Volfovich özınıŋ sūhbattary men köpşılık aldynda söilegen sözınde Qazaqstan men qazaqstandyqtar turaly ekıūşty mälımdemeler jasaǧan edı. 2005 jyly Qazaqstannyŋ Syrtqy ıster ministrlıgı LDPR liderı Vladimir Jirinovskiidıŋ elge keluın qajetı joq dep resmi habarlaǧan edı.
Alaida, Jirinovskii jaqynda bergen sūhbatynda Almatyny saǧynǧanyn jäne özınıŋ esımın özı tuǧan qalada mäŋgı qaldyrǧysy keletının aitqan bolatyn. «Namys» jastar bırlestıgınıŋ belsendılerı onyŋ tılegın oryndap, Masanchi, 79 meken-jaiyndaǧy üidıŋ aulasyndaǧy... qoqys jäşıgıne Jirinovskiidıŋ esımın berdı.
Jirinovskiidıŋ suretımen şyqqan bannerdıŋ qoqys jäşıgınde qanşa uaqytqa ılınıp tūratyny älı belgısız, degenmen, osylaişa qoǧam nazaryn saiasatkerdıŋ mälımdemelerıne audarudy jastar jön sanapty.
Duman Amanjolūly,
«Adyrna» ūlttyq portaly
Foto: aşyq derekközden
