BAÁ bıligi alkogol ishkenderge, ózine qol jumsaǵysy kelgenderge qatysty jazany alyp tastady jáne neke qıylmaǵan juptarǵa birge turýǵa ruqsat etti, - dep habarlaıdy «Adyrna» ulttyq portaly Tengrinews.kz tilshisine silteme jasap.
Senbide BAÁ prezıdenti Halıfa ben Zeıd Ál Nahaııan jeke statýs jáne azamattyq qatynastarǵa qatysty qylmystyq jáne qylmystyq-proessýaldyq kodeksterge ózgerister engizýdi bekitti. Atap aıtqanda, "ar-namysyn qorǵaý úshin jasalǵan qylmysty" jeńildetýdi qarastyratyn bap alyp tastaldy.
Ózgertýler engizilgennen keıin BAÁ-de alkogol ishý qylmys bolyp eseptelmeıdi. Endi 21 jastan asqan azamattarǵa jeke nemese belgili bir qoǵamdyq oryndarda alkogol ishýge bolady. Buǵan deıin BAÁ-de musylman emes, jasy 21-den asqan týrıster men shetel azamattaryna ǵana alkogol ishýge jáne satyp alýǵa ruqsat edi.
Budan basqa, basylym málimetinshe, endi ózine qol jumsaýǵa tyrysqandar qylmystyq jaýapqa tartylmaıdy jáne nekesi qıylmaǵan juptarǵa birge turýǵa ruqsat etildi.
Sondaı-aq, BAÁ-de áıelderge qatysty zorlyq-zombylyq jasaǵandar úshin jaza qatańdatylǵan.
