Búgin Úkimet otyrysynda Premer-mınıstr Asqar Mamın Qazaqstannyń sońǵy on aıdaǵy áleýmettik-ekonomıkalyq damýy týraly mınıstrler men ákimderdiń baıandamalaryn tyńdady.
Ulttyq ekonomıka mınıstri Rýslan Dálenov eldegi ınflıaııa, ıaǵnı, qymbatshylyq aldyńǵy aılarmen salystyrǵanda ulǵaıyp, 7,1% jetkenin habarlady.
Ulttyq bank tóraǵasy Erbolat Dosaev ulttyq valıýtamyz bir aıda 0,2% qunsyzdanyp, aldyńǵy aıda bir dollar 431,81 teńge bolsa, qazanda 432,66 teńgege satylǵanyn habarlady. Dosaev teńgeniń qunsyzdanýyn munaı baǵasy men ótken aptada ótken AQSh prezıdentiniń saılaýymen baılanystyrdy.
Al, bıýdjettiń kiris-shyǵysy týraly baıandama jasaǵan Qarjy mınıstri Erulan Jamaýbaev on aı boıy bıýdjetten alǵan aqshasyn durys ıgere almaǵan mınıstrler men ákimder týraly aqparat berdi. Eń qyzyǵy, Jamaýbaev qarjyny durys ıgermeı otyrǵan eń birinshi memorgan retinde ózi basqaryp otyrǵan Qarjy mınıstrligin atady.
«On aıda respýblıkalyq bıýdjettiń shyǵystary 11 trln. 284mlrd. teńgeni qurady. 32 mlrd. teńge atqarylmaǵan. Onyń ishinde únemdeý–8 mlrd. teńge, ıgerilmegeni –24 mlrd. teńge. Qarjyny ıgermeýdiń neǵurlym iri somasy mynadaı ortalyq memlekettik organdarda qalyptasty, olar - Qarjy mınıstrligi – 2 mlrd.teńge, Aýyl sharýashylyǵy mınıstrligi – 1,9 mlrd.teńge, Ádilet mınıstrligi – 1,6 mlrd.teńge, ıfrlyq damý, ınnovaııalar jáne aeroǵarysh ónerkásibi mınıstrligi –1,2 mlrd.teńge, Ekologııa, geologııa jáne tabıǵı resýrstar mınıstrligi –1,1 mlrd.teńge», - deıdi Jamaýbaev.
Osylaısha, ózin-ózi «synǵa alǵan» Erulan Jamaýbaev qarjyny ıgermeýdiń negizgi sebepteri retinde konkýrstyq rásimderdi, sharttardy jasasý rásimderin uzaq sozý, oryndalǵan jumystar aktilerin usynbaý, sotta memlekettiń múddesin qorǵaý jónindegi talap-aryz jumystarynyń júrýi, naqty kórsetilgen qyzmetter kólemi, oryndalǵan jumystar úshin aqy tóleýdiń uzaqqa sozylaý sııaqty faktorlardy atady.
«Al, jergilikti bıýdjetterdiń shyǵystary 6,4 trln. teńgeni qurady. Atqarylmaǵany -128 mlrd. teńge. Bıyl óńirlerge 2,3 trln.teńge somasynda nysanaly transfertter kózdelgen. Aldyn ala málimetter boıynsha olarǵa1 qarashaǵa 1,7 trln.teńge bólindi. Olardyń 98,2%-i ıgerilgen. Atqarylmaǵany -31 mlrd. teńge, onyń ishinde 7 mlrd. teńge únemdeldi, 24 mlrd.teńge ıgerilmedi. Aqtóbe oblysynda – 3,2 mlrd. teńge, Almaty qalasynda – 3 mlrd. teńge, Soltústik Qazaqstan – 2,5 mlrd. teńge, Batys Qazaqstan – 2,3 mlrd. teńge, Túrkistan oblystarynda – 1,9 mlrd. Teńge ıgerilmeı qalǵan», - deıdi Erulan Jamaýbaev.
Osylaısha, Premer-mınıstr aldynda esep jasaǵan Qarjy mınıstri qaıta aılanyp kelip, osy mınıstrler (sonyń ishinde, ózine) men ákimderge eskertý jasady.
«Qarjy jylynyń aıaqtalýyna deıin az ýaqyt qaldy. Osyǵan baılanysty, ortalyq memlekettik organdar men jergilikti atqarýshy organdar josparlanǵan qarajatty ǵana emes, sondaı-aq Úkimet rezervinen bólingen aqshany da ıgerýdi jedeldetýi qajetekenin eske salamyn», - dedi Qarjy mınıstri Erulan Jamaýbaev.
Erke Jomart,
“Adyrna” ulttyq portaly
