Şymkent qalasyndaǧy Qaitpas-1 şaǧyn audanynda ornalasqan «Qasıret» memorialdy şatqalyn abattandyru jūmysy qolǧa alyndy. 13,6 gektar aumaqty kezeŋ-kezeŋmen kögaldandyru jūmystary jürgızılude.
Odan özge, qalalyq energetika jäne kommunaldyq şaruaşylyq basqarmasynyŋ mälımetınşe, qaladaǧy 8 saiabaq pen 38 gülzardy kütıp ūstau jūmystaryn merdıger mekeme «Şymkent jasyl qala» JŞS-ı jürgızgen.
Būl jūmystardan bölek biyl 5 gülzar, atap aitqanda Qonaev-Ǧ.İliaeev köş., Qonaev-Türkıstan köş., Baitūrsynov eskertkışı, 8 ş/a alleia, İppodrom aumaǧy kögaldandyrylǧan. Al 4 gülzarda («Chernobyl», «Şämşı älemı», «Äl-Farabi alaŋy» jäne «Balalar temır joly stansiiasy») qaita qūru jūmystary jürgızılıp jatyr.
Sondai-aq, qaladaǧy 22 fontan men 33 skvajinany kütıp ūstau jūmystaryna qarjy qaralyp, jūmystar kestege sai atqaryluda.
Şymkent qalasy äkımınıŋ baspasöz qyzmetı
