2021 jyldyŋ qaŋtarynan bastap Qazaqstandaǧy bılım beru ūiymdarynyŋ barlyǧy "Būltty buhgalteriia men qarjy" jüiesıne köşudı bastaidy, - dep habarlaidy “Adyrna” ūlttyq portaly Bılım jäne ǧylym ministrı Ashat AIMAǦAMBETOVTIŊ Facebook paraqşasyna sılteme jasap. Ministr jaŋa jüienıŋ qajettılıgı jönınde: “Jaŋa jüienı engızudegı maqsat – köpşılık üşın bılım salasyndaǧy qarjylandyrudyŋ aşyqtyǧyn jäne tiımdılıgın baqylaudy qamtamasyz etu. Buhgalteriiany, kadrlardy, esepke alu men biudjettı josparlaudy avtomattandyru sybailas jemqorlyq täuekelderın aldyn aluǧa jäne qarjyny tiımdı paidalanudy arttyruǧa jaǧdai jasaidy.
Iаǧni mekteptıŋ biudjetıne, onyŋ ärbır jūmsaǧan teŋgesıne qatysty aqparatqa bızdıŋ ministrlık, basqa qūzyrly memlekettık organdar, jäne azamattyq qoǧam ökılderı qol jetkıze alady.
Būl – maŋyzdy bastama”,- deidı.
Sondai-aq ministr bılım beru salasyn qarjylandyrudaǧy bırqatar kemşılıkterdı aita kelıp, ony : “Bılım beru salasyn qarjylandyru jyldan jylǧa artyp keledı.
Ärine, onyŋ qanşalyqty jetkılıktı nemese jetkılıksız ekendıgı turaly köp aituǧa bolady. Alaida, sol bölıngen qarajatty tiımdı paidalanu maŋyzdyraq.
Taǧy bır mäselege toqtalaiyn.
Köpşılık mektepterdı, balabaqşalar men kolledjderdı Bılım jäne ǧylym ministrlıgı respublikalyq biudjet esebınen qarjylandyrady dep esepteidı. Odan bölek jalaqynyŋ uaqytyly jäne dūrys esepteluı, oqulyqtardy satyp alu nemese bılım beru ūiymdaryndaǧy jöndeu jūmystaryn da ministrlıktıŋ özı tıkelei jürgızedı dep oilaidy.
Bıraq ıs jüzınde olai emes.
Zaŋǧa säikes būl jūmys äkımdıkterdıŋ qūzyrynda.
Elımızde bılım berudı basqaru organdarynyŋ sany 200-den asady, iaǧni, qarjylandyru da sol qalalar, audandar men oblystardyŋ biudjetınen ötedı. Äkımşılendıru deŋgeiı ärtürlı ärı köp bolǧan soŋ olardy qadaǧalap otyru öte qiyn.
Sondyqtan tıptı oblystyq bılım basqarmalarynyŋ özı köp jaǧdaida jalaqyny uaqytyly töleuge, oqulyqtardy satyp aluǧa nemese mektep, kolledjderdı jöndeu jūmystaryna qatysty problemalardy būqaralyq aqparat qūraldaryna şyqqanda nemese şaǧymdar kelıp tüskerde bılıp otyrady.
Būl müldem dūrys emes.
Ata-analar men mūǧalımderge oryn alǧan problemalarǧa «kım jauap beretını, nege būlai bolǧany» emes, olqylyqtardyŋ oryn almauy maŋyzdy ǧoi.
Sondyqtan bız jan basyna qarjylandyru mehanizmderın engızu jäne barlyq qarjylandyru jüiesın sifrlandyru boiynşa bastamany qolǧa aldyq”, - dep mäselenı şeşudıŋ jolyn ūsyndy.
Ministrdıŋ sözınşe, būl jüie Nūr-Sūltan qalasy men Pavlodar oblysyndaǧy bılım beru ūiymdarynda pilottyq joba retınde aprobasiiadan ötıp, bılım basqarmalary men mektep basşylary oŋ baǧa bergen. Sondai-aq alǧaşqy nätijesın de körsetken: “Jürgızılgen pilottyq jobanyŋ nätijesınde tek elordada biudjet qarajatynan bırneşe mlrd. teŋge ünemdelıp, bılım beru ūiymdarynyŋ qarjylyq qyzmetı retteldı.
Buhgalterlık jäne salyq esebıne alu barysynda būzuşylyqtar sany edäuır qysqaryp, şyǧyndar boiynşa täuekelder azaidy.
Atalǧan joba jalaqyny dūrys eseptemeu, qarjylyq būzuşylyqtar, josparlau, qarjylandyru kezındegı subektivizm siiaqty problemalardy şeşuge jäne bılım beru mekemelerınıŋ qarjylyq jaǧdaiyna jedel monitoring jürgızuge jaqsy mümkındık beredı.
Buhgalteriiamen qosa biudjettı josparlau, memlekettık satyp alu, tarifikasiialau, jūmysqa alu prosesterı de avtomattandyrylady.
Būl – bılım salasyna baǧyttalǧan qarjyny aşyq ärı tiımdı paidalanudy qoǧam bolyp qadaǧalauǧa baǧyttalǧan taǧy bır qadam”.
Foto aşyq derekközden alyndy
“Adyrna” ūlttyq portaly
