«Jas maman» jobasy sūranysqa sai mamandardy daiarlauǧa ülken mümkındıkter beredı

Aqtöbe oblysynda 5 kolledj biyl "Jas maman" jobasy aiasynda materialdyq-tehnikalyq bazasyn jaŋartuda.  Jobanyŋ maqsaty respublika boiynşa 180 kolledjdı jäne 20 joǧary oqu ornyn 100 asa talap etıletın mamandyqtar boiynşa jaŋǧyrtu jäne bılıktı mamandardy daiarlaudyŋ halyqaralyq täjıribesın engızu bolyp tabylady. Ötken jyly respublikadaǧy 80 kolledj osy jobaǧa taŋdalynyp alyndy. Al Aqtöbe oblysynan türlı qoiylǧan talaptarǧa sai keletın  9 kolledjge taŋdau tüstı. Joba aiasynda  5 kolledj 2020 jyly, 4 kolledj  2021 jyly jabdyqtalatyn bolady.  Respublikalyq biudjetten biylǧy jyly 1,4 mlrd. teŋge qaras­tyryldy. Būl oqu zerthanalary men şeberhanalaryn zamanaui qūrylǧylarmen jabdyqtau, kabinet­terdı qūral-jabdyqtarmen qamta­masyz etuge, lobaratoriialardy jaŋartuǧa jūmsalady. Osy sala­da bılım alatyn studentterdıŋ prak­tikalyq jūmysqa den qoiuyna basymdyq berıledı. «Jas maman»  jobasy - oqu oryndary üşın materialdyq bazany keŋeituge jäne jaqsartuǧa tamaşa mümkındık. Bolaşaqta būl investisiia oblys ekonomikasy üşın qajettı bılıktı kadrlardyŋ daiarlanyp şyǧuyna mümkındık beredı. «Jas maman» jobasynyŋ artyq¬şylyǧy – eŋ qajettı maman¬dyqtarǧa basymdyq berıluı. Iаǧni qazırgı sūranystaǧy mamandyqtardy sapaly etıp şyǧaruǧa küş jūmsalatyn bolady dep kütılude. Sonymen qatar, bäsekege qabılettı maman daiarlau boiynşa oqytu jospary jandandyryp, özgertu men tolyqtyrular engızıledı. Bügıngı künı joba şeŋberınde öŋırde sūranysqa ie                           24 mamandyq boiynşa oqytu üşın jabdyqtar satyp alynady, olar: tehnikalyq mamandyqtar jäne qyzmet körsetu salasy boiynşa. Kolledjderdı jabdyqtauǧa arnalǧan qūrylǧylardyŋ tızımı kolledjderdıŋ ūsynystaryna, jūmys beruşılerdıŋ talaptary men WorldSkills standarttaryna säikes jasaldy. Mysaly,  Aqtöbe kölık, kommunikasiia jäne jaŋa tehnologiia kolledjı jobaǧa 4 mamandyq 4 bılıktılık boiynşa qatysuda. Atalǧan kolledj mehatronika, robototehnika, logistikalyq kontrollerlerdı baǧdarlamalau, elektrotehnika boiynşa zaman talabyna sai oqu kabinetı, jaŋa ülgıdegı monobloktar, mobildı ultraqysqa fokustyq proektorlar,  vagon şaruaşylyǧy mamandyǧy boiynşa 12 oryndyq interaktivtı synyp,  bailanys jüiesınıŋ jaŋa ülgıdegı qūrylǧylary, qozǧaltqyştyŋ makettık körınısı, elektrlengen jaŋa ülgıdegı stendter, täjıribe jūmystaryna arnalǧan stanoktarmen jabdyqtaldy. Sondai-aq  temır joldaǧy aqaulardy anyqtaityn qūrylǧylar, temır joldaǧy avtomattandyrylǧan jūmys türınıŋ jaŋa qūrylǧysy alyndy. Zaman talabyna sai, öndırıste qoldanylyp jürgen būl qūral-jabdyqtarmen jūmys jasai aluy üşın kolledj oqytuşylarynyŋ bılıktılıgı de jetıldırıletın bolady. «Jas maman» jobasyn ıske asyru jaŋaşa oqytudyŋ  jeke modelın qalyptastyryp, önerkäsıpte sūranysqa ie halyqaralyq deŋgeidegı bılıktı mamandardy daiarlauǧa jol aşty. Qazırgı taŋda  oqu oryndarynda jabdyqtardy ornatuǧa daiyndau boiynşa barlyq qajettı jūmystar jürgızılude. Osylaişa, Hromtau tau-ken, Aqtöbe joǧary politehnikalyq, qūrylys jäne biznes  kolledjderınde  josparlanǧan jūmystardyŋ bır bölıgı aiaqtalu satysynda. Jabdyqtardy  jetkızudı Aqtöbe avtojol, kölık-kommunikasiia jäne jaŋa tehnologiialar kolledjderı kütude. Kolledjderde kadrlardy daiarlaudyŋ halyqaralyq standarttaryn engızu üşın şeteldık serıktester tartylatyn bolady. Şeteldık serıktespen bırlesıp kadrlardy daiarlau baǧdarlamalaryn jaŋartu, oqytuşylardyŋ bılıktılıgın arttyru jäne oqu orny men menedjment prosesterın jetıldıru boiynşa jūmys ūiymdastyrylǧan. «Jas maman» jobasy kolledjdıŋ oqu-öndırıstık bazasyn jaŋartyp qana qoimai, qūzyrettılık ortalyǧyn qūruǧa da mümkındık bermek.