Parlament mäjılısı sailauyna käsıpodaqtar täuelsız baqylauşy retınde qatysuǧa niettı. Būl turaly bügın, Batys Qazaqstan oblystyq käsıpodaqtar ortalyǧynyŋ töraiymy – Aigül Esekenova BQO käsıpodaqtar ortalyǧy Üilestıru keŋesınıŋ otyrysynda aityp öttı, dep habarlaidy «Adyrna» ūlttyq portaly.
Eske sala ketsek, aǧymdaǧy jyldyŋ 9 qaraşa künı Qazaqstan Respublikasy Käsıpodaqtar Federasiiasy töraǧasynyŋ bırınşı orynbasary – Mūhtar Tınıkeev baspasözdegı mälımdemesınde Qazaqstan Respublikasyndaǧy eŋ ırı qoǧamdyq bırlestık retınde Käsıpodaqtar Federasiiasy maŋyzdy ışkı saiasi prosesterden tys qalmaitynyn, sondyqtan Käsıpodaqtar federasiiasy Qazaqstan Respublikasy Parlamentı Mäjılısı deputattarynyŋ sailauyna eldıŋ sailau zaŋnamasynyŋ barlyq normalarynyŋ saqtaluyn baiqauşy retınde qatysuǧa niettı ekendıgın jetkızgen bolatyn.
Biyl Qazaqstan Respublikasy Käsıpodaqtar Federasiiasy elımızdıŋ jetekşı saiasi ūiymy -«Nur Otan» partiiasymen bırge özara ärıptestık memorandumyna qol qoiyp, jyl basynan berı bırlesken ıs-şaralardy atqaryp keledı. QRKF öz kezegınde saiasi partiianyŋ sailau tarihynda alǧaş ret oryn alyp jatqan praimerizge belsendı qatysyp, köbırek eŋbek adamynyŋ eldıŋ saiasi damuy jolynda yqpal etıp, üles qosuyna jaǧdai jasady. Sonymen qatar, būl belsendılıktı ärı qarai jalǧastyruǧa bel buyp, 2021 jyldyŋ 10 qaŋtary künı ötetın sailauǧa Baqylauşy retınde qatyspaqşy.
Batys Qazaqstan oblystyq käsıpodaqtar ūiymdarynyŋ atynan 200-ge juyq eŋbek adamy sailauǧa täuelsız baqylauşy retınde qatysuǧa niettı.
«Adyrna» ūlttyq portaly
