Qazaq ǧalymdary aǧza tazartatyn jaŋa önım şyǧardy

Qazaq ǧalymdary adam aǧzasyn tazartatyn jaŋa önım oilap tapty, dep habarlaidy «Adyrna» tılşısı. Bılım jäne ǧylym ministrlıgıne qarasty "Jalyn" ǧylymi-öndırıstık tehnologiialyq ortalyǧynyŋ ǧalymdary "Bio Life" atauymen daiyndalatyn enterosorbent öndırısın jolǧa qoidy. Enterosorbent – kömır. Ol aǧaştan nemese tas kömırden jasalady. Qazaqstandyq ǧalymdar mūny kädımgı kürış qauyzynan jasap şyǧaryp otyr. Aita keterlıgı, otandyq jäne halyqaralyq patentterı alynyp qoiǧan. Işekte eritın jelatindı kapsula türınde şyǧarylatyn  belsendırılgen kömırdıŋ negızgı belsendı zaty – karbonizasiialanǧan kürış qauyzy. "Bio Life" – ulanu (taǧamdyq, himiialyq, esırtkı jäne alkagoldık ulanu), diareia, meteorizm, sozylmaly gepatit, bauyr sirrozy asqazan-ışek jüielerınıŋ aurulary, semıru, insult pen işemiia jäne aterosklerozdyŋ aldyn aluǧa kömektesedı. Professor Sestager Aqnazarorvtyŋ aituynşa, būl önımnıŋ qarttarǧa da,  balalarǧa da, jüktı äielderge de ziiany (terıs äserı – avt.) joq. Şeteldık sorbenttermen salystyrǧanda baǧasy da arzan. Bır emdık kursqa bır qaptamasy ketedı. Japoniia, Resei, Qytai, İspaniia jäne Orta Aziia elderı önımge qyzyǧuşylyq tanytyp otyrǧan körınedı. "Bio Life" enterosorbentı adamnyŋ immun jüiesı men densaulyǧyn qoldauǧa baǧyttalǧan. Ol adam aǧzasynan auyr, türlı uly metalldardy soryp alady. Därı bolmasa da, pandemiia jaǧdaiynda densaulyqqa sep boluǧa kömegın tigızetın paidaly önım. Eŋ basty erekşelıgı – ol Qazaqstanda şyqqan. Däl qazır älemde balamasy joq bıregei qospa. Basqa belsendı kömırlermen salystyrǧanda, "Bio Life" sorbentı – nanoqūrylymdy kömırtek. Sonymen qatar, onyŋ qūramynda adam aǧzasyna qajettı kremnii dioksidı bar, - deidı professor Aqnazaorv.

Bekseitova Qalampyr, Enterosorbent zerthanasynyŋ meŋgeruşısı: –«Bio Life» – Qazaqstannyŋ kürış qauyzynan  korbanizasiia jäne aktivizasiia ädısterımen alynatyn aǧzany tazalauǧa arnalǧan as qorytu jüielerımen as qorytu müşelerınıŋ qyzmetın jaqsartatyn biologiialyq belsendı qospa. "Bio Life" önımın daiyndau 6 etaptan tūrady: 1) Korbanizasiialau (qanyqtyru); 2) Mineralsyzdandyru; 3) Ūsaqtau; 4)  Tazalau, keptıru; 5) Önımdı kapsulaǧa salu; 6) Qorapqa salu. Önım qūramynda himiialyq qospalar men boiaǧyştar joq, taza 100 paiyz tabiǧi. Būl öndırıske  Ǧylym qorynyŋ qoldauymen 294 mln teŋge bölındı. Oǧan öz qarajatymyzdy daiyn önım şyǧaryp otyrmyz. Qazırgı qūrylǧymyzdyŋ qauqary künıne 5 myŋ önım şyǧaruǧa jetedı. Iаǧni, 1 jylda 80 mln teŋgenıŋ önımın şyǧaruǧa mümkındıgımız bar.  

  Qazaq ǧalymdarynyŋ mūndai tolaiym tabysy köŋıl quantady. Ǧylymi ortalyqtyŋ kürış qauyzynan şyǧaratyn önımı jalǧyz Bio Life-men toqtap qalmaidy. Qazır gemodializdı qan tazalaityn sobrentter äzırlenude.  

Sūltan Töleuhanov,  biologiia ǧylymdarynyŋ doktory, professor: –Gemodializdı qan tazalaityn sobrentter turaly aitatyn bolsaq,  özderıŋız jaqsy bılesızder,  qazır adamzat  aldynda tūrǧan ülken bır problema bar, ol – ekologiia problemasy.  Ekologiia degenımız – bızdı qorşap tūrǧan orta. Sol qorşap tūrǧan ortada ömırımızge kündelıktı tırlıkke negentropiia  degen zatty alamyz. Būl –  basqa közı joq bos  quat. Sonyŋ kesırınen köptegen keselder şyǧyp, adamdardyŋ immunitetı tüsude.  Auyr metaldar, himiia zattar, uly zattar, uly därıler bolady.  Topyraqta, jerde, auada jäne keide ösımdıkterde bolady. Ösımdıktı mal jeidı, al maldyŋ etın  jegen soŋ bızge de tüsedı. Işımızdegı jüielerdıŋ eŋ ülken salmaq tüsetını – bauyr men büirek jüielerı. Soŋǧy uaqytta sol bauyr men büirek keselderı köbeiıp jatyr. Ulanyp jatqan kısıler köp. Osy mäselenı şeşu üşın gemosorbsiia degen täsıldı jan-jaqty qarap, onyŋ jaŋa tehnologiiasyn engızıp jatyrmyz.

Joǧaryda atalǧan jobalardy  Bılım jäne ǧylym ministrlıgıne qarasty  "Ǧylym qory"  qarjylandyrǧan. Konkurs arqyly jeŋıp alǧan jobalardyŋ jalypy qūny  –588 mln teŋge.

 

Gülvira Asqar,

«Adyrna» ūlttyq portaly