Taıland bıligi júktiliktiń alǵashqy 12 aptasynda jasandy túsik jasatýǵa múmkindik beretin zań jobasyn daıyndady, dep habarlaıdy «Adyrna» ulttyq portaly Bangkok Post basylymyna silteme jasap.
Parlament úkimet mınıstri bekitken jańa zańdy 2021 jyldyń aqpanyna deıin qabyldaıdy dep kútilýde. Qujat eldiń Qylmystyq kodeksine eki túzetý engizbek. Zań jobasy barlyq erejelerdi saqtaı otyryp, uryqtan arylýǵa kómektesken dárigerlerdi jaýapkershilikke tartpaıdy. Sonymen qatar, júktiliktiń 12 aptasynan keıin jasandy túsik jasatqan áıelderge salynatyn aıyppul mólsherin azaıtpaq.
Buǵan deıin Taılandtyń Konstıtýııalyq soty áıelderdiń túsik jasatýǵa tolyq quqyǵy bar ekenin moıyndaǵan edi. Bul qaýly 2021 jyly 13 aqpanda kúshine enedi. Sot sheshimine sáıkes, 1957 jylǵy Qylmystyq kodekstiń baby Taıland konstıtýııasynyń 27 jáne 28-baptaryna qaıshy keledi. Sebebi, olarda adamnyń teń quqyǵy men bostandyǵy bekitilgen.
Aıta keteıik, ótken jyly elde 200 myńǵa jýyq áıel jasyryn túrde túsik jasatýǵa májbúr bolǵan.
«Adyrna» ulttyq portaly
