Tarazdaǧy tūrǧyn üilerdıŋ bırınde qart anany pyşaqtap, kelının bauyzdap ketken, dep habarlaidy «Adyrna» ūlttyq portaly «Astana TV» arnasyna sılteme jasap.
Jantürşıgerlık oqiǧany bırınşı bolyp, üiıne kelgen otaǧasy körgen. Ol dereu polisiiaǧa habarlasyp, därıgerlerdı şaqyrtqan. Alaida qansyraǧan äielınıŋ ömırın aman saqtap qalu mümkın bolmady. Al anasy jansaqtau bölımınde jatyr.
«Aǧymdaǧy jyldyŋ 16-qaraşasynda 102 pultıne 42-jastaǧy er adam habarlasyp, üiınen pyşaq jaraqattaryn alǧan anasy men jūbaiyn tapqany turaly aryzdanǧan»,-dedı Jambyl oblysy PD ışkı jäne syrtqy kommunikasiialar bölımınıŋ mamany Begman QŪTMYRZAEV.
Tärtıp saqşylary küdıktını bırden qolǧa tüsırıptı. Qasköi 40-jastaǧy Jambyl oblysy Prigorodnyi auylynyŋ tūrǧyny. Ol būǧan deiın de adam ölımı men qyz zorlau deregı boiynşa sottalǧan. Er adam özıne taǧylǧan bar aiypty moiyndapty. Ol öz äreketın dastarhan basyndaǧy ūrys-kerısten keiın boldy dep tüsındırgen. Qazır bolǧan jait boiynşa tergeu amaldary jürıp jatyr.
«Adyrna» ūlttyq portaly
