Bügın, 18.11.2020 jyly Facebook-tegı «MEN-MAŊǦYSTAULYQPYN!» tobynda keŋ dalada qaraqūiryqtardy aiausyz, qualap jürıp atqan brokonerlerdıŋ beinejazbasy köpşılıktıŋ şamyna tigen bolatyn.
Beinejazbany topqa jüktegen azamat Samat TALǦATOV: «Arabtar Maŋǧystauga kelıp qaraqūiryqtardy qyryp jatyr, Qazaqstannyŋ qyzyl kıtabyna eŋgen aŋdardy osylar qūrtady. Bızdıŋ sorly qazaqtar būlardy äuejaidan orkestrmen kütıp alady. Al olar sokol siiaqty qūstardy aulaidy. Bozjyraǧa kelgen turisterdıŋ oiy jai demalu emes dala aŋdaryn qūstaryn qūrtu»,- degen tüsınık bere ketken.
Jelı qoldanuşylarynyŋ arasynda būl äreketke aşynǧandar: «Būl ne masqara! Özgenıŋ basynǧany qaşan tyiylady?», Aitarǧa söz joq kez kelgen it basyndy, obaly osylarǧa», «...kelımsekter kergıp atatyn boldy-au aŋymyzdy» degen sekıldı pıkırlerın aityp, özgelerdıŋ basynuyna jol bermeu kerektıgın aitqan-dy.
Tengrinews.kz-tıŋ mälımetınşe, būl beinejazba Qazaqstanda tüsırılmegen. Beinejazbaǧa bailanysty Ekologiia, geologiia jäne tabiǧi resurstar ministrlıgı Qazaqstan aumaǧynda mūndai jaǧdaidyŋ tırkelmegenın jäne qaraqūiryqtardyŋ būl türı bızdıŋ elımızde joqtyǧy turaly mälımdeme bergen.
Beine internette 2020 jyldyŋ qaŋtar aiynda Saud Arabiiasynda taraǧan. Beinejazbadaǧy körınıske el äbden şamdanyp, sol sebeptı jan-jaqty tekseru bastalǧan.
TheNewArab saitynyŋ habarlauynşa, beinejazbadaǧy januar Arabiia tübegınıŋ şöldı aimaqtarynda kezdesetın semser müiızdı böken boluy mümkın (arabian oryx).
«Adyrna» ūlttyq portaly
